खेल क्षेत्रको विकास गर्न पार्टीको निर्देशन कुरेर नबस्नुस्: उपसभापति गुरुङ

समाज

गृहपृष्ठ
समाज

खेल क्षेत्रको विकास गर्न पार्टीको निर्देशन कुरेर नबस्नुस्: उपसभापति गुरुङ

क्यापिटल नेपालसोमबार, भदौ २, २०८२

काठमाडाैं। खेल क्षेत्रको विकासको निम्ति पार्टीको निर्देशन कुरेर बस्न नहुने नेपाली कांग्रेसका उपसभापति एवम् पूर्वमन्त्री धनराज गुरुङले बताएका छन्।

नेपाली कांग्रेसकाे भातृ संगठन नेपाल लोकतान्त्रिक खेलकुद संघको गण्डकी प्रदेश समितिको प्रथम प्रदेश अधिवेशन उद्घाटन गर्दै उपसभापति गुरुङले खेल क्षेत्रमा कुनै पार्टी, धर्म, जात नहुने भन्दै खेल क्षेत्रलाई सबैभन्दा माथी राखेर सोच्नुपर्ने बताएका हुन्।

पोखराको शितलादेवी पार्टी प्यालेसमा भएको अधिवेशनलाई सोमबार उद्घाटन गर्दै उनले अनुशासनको उदाहरण मानिने खेल क्षेत्रबाट राजनीतिले अनुशासन सिक्नुपर्ने बताए।

‘खेल क्षेत्र अनुशासनमा बाधिएको हुन्छ, विभिन्न क्षेत्रलाई बाध्न विभिन्न नितिहरु बनाइरहेका हुन्छौं। सबैको नीति भनेको राजनीति हो। राजनीति राम्रो भयो भने सवै निति राम्रो हुन्छ त्यसैले राजनीति सुधार्न सबै लाग्नुपर्छ।’

नेपाली राजनीतिमा अनुशासन हराउँदै गएको उल्लेख गर्दै अनुशासनको क्षेत्रमा अब्बल मानिएको खेल क्षेत्र बाट नेपाली राजनीतिले अनुशासन सिक्नुपर्ने धारणा राखे।

प्रकाशित मिति: सोमबार, भदौ २, २०८२ १५:३४

प्रतिक्रिया दिनुहोस्