रोटरी क्लव अफ नार्गाजुनद्धारा राष्ट्रिय वाणिज्य बैंक सम्मानित

बैंकिङ

गृहपृष्ठ
बैंकिङ

रोटरी क्लव अफ नार्गाजुनद्धारा राष्ट्रिय वाणिज्य बैंक सम्मानित

क्यापिटल नेपालबुधबार, भदौ ४, २०८२

काठमाडाैं। रोटरी क्लव अफ नार्गाजुनले सामाजिक उत्तरदायित्व कार्यक्रममा महत्वपुर्ण भूमिकाको लागि राष्ट्रिय वाणिज्य बैंकलाई सम्मान गरेको छ। सरकारको पुर्ण स्वामित्व रहेको अग्रीण वित्तीय संस्थाले गत वर्ष गरेको सामाजिक काम र क्लवसंगको निरन्तर सहकार्यका लागि सम्मान गरेको हो।

बैंकका प्रमुख कार्यकारी अधिकृत देवेन्द्र रमण खनाललाई क्लवका वर्ष २०२५–२६ का अध्यक्ष विशाल गैरेले उक्त सम्मान पत्र प्रदान गरेका हुन्। सम्मानपत्र ग्रहण गदैं प्रमुख कार्यकारी अधिकृत देवेन्द्र रमण खनालले यो सम्मानले बैंकलाई सामाजिक कार्यका लाथि थप हौसला प्रदान गरेको बताए।

कार्यक्रममा लगानीको अवसर शिर्षकको कार्यक्रममा बैंकर खनालले कृषि, उर्जा, पर्यटनलगायतका क्षेत्रमा लगानीको सम्भावना रहेको उल्लेख गदैं उद्यम व्यवसायमा कुनै पनि कुराको स्केलअप गर्ने, मुल्य थप्ने काम महत्वपुर्ण भएको बताए। कार्यक्रममा क्लवका अध्यक्ष समेत रहेका युवा उद्यमी विशाल गैरेले आगामी दिनमा वाणिज्य बैंकसँग निरन्तर सहकार्य हुने बताए।