एक महिनादेखि अवरुद्ध स्याफ्रुबेंसी–टिमुरे सडक सञ्चालन

पूर्वाधार

गृहपृष्ठ
पूर्वाधार

एक महिनादेखि अवरुद्ध स्याफ्रुबेंसी–टिमुरे सडक सञ्चालन

क्यापिटल नेपाल शनिबार, भदौ १४, २०८२

काठमाडौं। गत साउन १४ को रसुवा बाढीले क्षतिग्रस्त स्याफ्रुबेंसी–रसुवागढी सडकअन्तर्गत स्याफ्रुबेंसीदेखि टिमुरेसम्मको खण्ड पुनः मर्मत गरिएपछि शुक्रबारदेखि सवारीसाधन चल्न थालेका छन्।

गल्छी–त्रिशूली–मैलुङ–स्याफ्रुबेसी–रसुवागढी सडक आयोजनाका अनुसार रोंगा खोला र मेदाङपुदुङबीचको मर्मत तथा पुनर्निर्माण पूरा भएपछि करिब १३ किलोमिटर सडक सञ्चालनमा आएको हो। महिनादेखि अवरुद्ध खण्ड पुनः खुलेसँगै स्थानीय र यात्रुलाई सहज हुनेछ।

सडक आयोजनाका इन्जिनियर रुपनारायण पौडेलका अनुसार टिमुरेदेखि नेपाल–चीन सीमा रसुवागढीसम्मको करिब ३ किलोमिटर सडकमा अझै मर्मत बाँकी छ। हाल खुलाइएको खण्डमा साना सवारीसाधनलाई मात्र सञ्चालन अनुमति दिइएको छ।

नेपाल–चीन सीमा रसुवागढीमा बेलीब्रिज निर्माण सुरु भएको छ। चीनतर्फको फाउन्डेसन निर्माण सकिएको र नेपालतर्फको निर्माण सुरु हुने चरणमा रहेकाले भदौ ३० भित्र बेलीब्रिज निर्माण पूरा गर्ने लक्ष्य छ।

प्रकाशित मिति: शनिबार, भदौ १४, २०८२ ०८:४९