बिमा प्राधिकरण अध्यक्ष ओझाको बर्खास्तगीविरुद्ध सर्वोच्चको अल्पकालीन अन्तरिम आदेश

बैंकिङ

गृहपृष्ठ
बैंकिङ

बिमा प्राधिकरण अध्यक्ष ओझाको बर्खास्तगीविरुद्ध सर्वोच्चको अल्पकालीन अन्तरिम आदेश

क्यापिटल नेपाल सोमबार, भदौ २३, २०८२

काठमाडौं। सर्वोच्च अदालतले बिमा प्राधिकरणका निलम्बित अध्यक्ष शरद ओझालाई बर्खास्त गर्ने सरकारको निर्णय तत्काल कार्यान्वयन नगर्न अल्पकालीन अन्तरिम आदेश जारी गरेको छ। न्यायाधीश सारंगा सुवेदीको एकल इजलासले सोमबार साे आदेश जारी गरेकाे हाे।

गत भदौ २ गते सरकारले ओझालाई अध्यक्ष पदबाट बर्खास्त गरेको थियो। उनी नियुक्त हुँदा पेस गरेका कागजात शंकास्पद पाइएको भन्दै पूर्वन्यायाधीश कृष्ण गिरीको संयोजकत्वमा गठित छानबिन समितिको प्रतिवेदनका आधारमा सरकारले उनलाई हटाउने निर्णय गरेको थियो।

सरकारको उक्त निर्णयविरुद्ध ओझाले सर्वोच्च अदालतमा रिट दायर गरेका थिए। अब सर्वोच्चले दुवै पक्षलाई छलफलका लागि बोलाएको छ।

सरकारले भने नयाँ अध्यक्ष नियुक्तिका लागि प्रक्रिया अघि बढाइसकेको छ। राष्ट्रिय योजना आयोगका उपाध्यक्ष शिवराज श्रेष्ठको अध्यक्षतामा गठित सिफारिस समितिले नयाँ अध्यक्षका लागि १४ जनाबाट आवेदन लिइसकेको छ।

प्रकाशित मिति: सोमबार, भदौ २३, २०८२ २०:५०

प्रतिक्रिया दिनुहोस्