हातहतियारसहित अन्य सामग्री फिर्ता गर्न प्रहरीको आग्रह

समाज

गृहपृष्ठ
समाज

हातहतियारसहित अन्य सामग्री फिर्ता गर्न प्रहरीको आग्रह

क्यापिटल नेपाल बिहीबार, भदौ २६, २०८२

काठमाडौं। जेनजी गरेको प्रदर्शनका क्रममा प्रहरीसहित अन्य सुरक्षा निकायका हतियारलगायत सामग्री फिर्ता गर्न नेपाल प्रहरीले आग्रह गरेको छ।

प्रहरी प्रधान कार्यालयले एक विज्ञप्ति जारी गर्दै भदौ २३ देखि २५ गते भएको प्रदर्शनमा सुरक्षा निकायका हतियार, सञ्चार साधन, सवारी साधन र अन्य भौतिक साधनहरू नियन्त्रणमा लिएको वा कतै फेला पारेमा फिर्ता गर्न आग्रह गरेको हो।

उक्त हातहतियारलगायत अन्य सामग्री स्थानीय प्रहरी वा सुरक्षा निकायको कार्यालय वा जिल्ला प्रहरी कार्यालय वा प्रहरी कन्ट्रोल रुक १०० वा टोल फ्री नं १६६००१४१५१६ वा नेपाल प्रहरी प्रधान कार्यालयको सम्पर्क नं ९८५१२९३४५९ मा सम्पर्क गरी फिर्ता बुझाउन अनुरोध गरिएको छ ।

यस्तै, प्रदर्शनका क्रममा प्रदर्शनकारीले नियन्त्रणमा लिएका प्रहरीको पोसाक दुरुपयोग नगर्न हुन र सोसँग सम्बन्धित सूचनासमेत उपलब्ध गराउन सर्वसाधारणलाई अनुरोध गरिएको छ।

प्रकाशित मिति: बिहीबार, भदौ २६, २०८२ १७:०८

प्रतिक्रिया दिनुहोस्