सुशीला कार्की प्रधानमन्त्री बन्ने चर्चा

राजनीति

गृहपृष्ठ
राजनीति

सुशीला कार्की प्रधानमन्त्री बन्ने चर्चा

क्यापिटल नेपाल शुक्रबार, भदौ २७, २०८२

काठमाडौं। जेनजी आन्दोलनका कारण प्रधानमन्त्री केपी शर्मा ओलीले राजीनामा दिएसँगै देखिएको राजनीतिक शून्यता चिर्न राष्ट्रपति रामचन्द्र पौडेलले पहल लिएका छन्।

राष्ट्रपतिले बिहीबार प्रधानमन्त्री नियुक्तिका लागि विभिन्न पक्ष र आन्दोलनकारी जेनजी नेतृत्वसँग सम्पर्कमा रहेको विज्ञप्तिमा निकालेर जानकारी दिएका थिए।

सोहीअनुसार शीतलनिवासमा पूर्वप्रधानन्यायाधीश सुशीला कार्कीलाई अन्तरिम सरकारको नेतृत्व दिने सहमति बनेको बुझिएको छ।

शीतलनिवासमा राष्ट्रपति पौडेलले सेनापति अशोकराज सिग्देल र कार्कीसँग मध्यरातसम्म चलफल गरेपछि अन्तरिम सरकारको नेतृत्व दिने सहमति भएको स्रोतको भनाइ छ।

बिहीबार बेलुकी राष्ट्रपति पौडेल र सभामुख देवराज घिमिरेबीचको वार्तामा मुलुकको पछिल्लो राजनीतिक अवस्था र समसामयिक विषयमा छलफल भएको सभामुखका सञ्चारविज्ञ शेखर अधिकारीले जानकारी दिएका छन्।

सो अवसरमा वर्तमान राजनीतिक निकासबार उहाँहरूबीच छलफल भएको थियो। सभामुखसँगको भेटका क्रममा राष्ट्रपति पौडेलले संविधानको भावनाअनुसार संविधानभित्रै रहेर राजनीतिक निकास खोज्ने बताएका थिए।

यसअघि जेन–जी समूहबाट पनि कार्कीको नाम सिफारिस गरिएको थियो। वार्तामा संसद् विघटनको विषयमा कुरा मत बाझिएको बताइन्छ।

बिहीबार नै राष्ट्रपति पौडेलले विभिन्न कानुनविद्सँग सरकार निर्माणको मोडालिटीबारे चर्चा गरेका थिए।

प्रकाशित मिति: शुक्रबार, भदौ २७, २०८२ ०६:३२

प्रतिक्रिया दिनुहोस्