पहिरोमा परी दुई बालिका बेपत्ता, प्रहरीद्वारा खोजी जारी

पूर्वाधार

गृहपृष्ठ
पूर्वाधार

पहिरोमा परी दुई बालिका बेपत्ता, प्रहरीद्वारा खोजी जारी

क्यापिटल नेपाल बुधबार, असोज ८, २०८२

काठमाडाैं। सिन्धुपाल्चोकको बलेफी गाउँपालिका–१ जलबिरेस्थित बलेफी–ढाडे भित्री सडक खण्डमा आज दिउँसो पहिरोमा परी दुई बालिका बेपत्ता भएका छन्।

चौतारा साँगाचोकगढी नगरपालिका–२ भोटे फुल्पिङ घर भई जुगल गाउँपालिका–२ गोल्छेमा रहेको मामाघर जाँदै गरेका ज्याङजेङ लामाकी छोरी १७ वर्षीया फूलमाया लामा र निजकी बहिनी पाँच वर्षीया मनमाया लामा पहिरोमा परेर बेपत्ता भएको प्रहरी उपरीक्षक तथा जिल्ला प्रहरी प्रमुख रामेश्वर कार्कीले जानकारी दिए।

आज दिउँसो करिब ४ः४५ बजे सडकमाथिबाट लेदोसहितको पहिरोमा परी उनीहरू बेपत्ता भएका हुन्। घटनापछि इलाका प्रहरी कार्यालय जलबिरेबाट प्रहरी निरीक्षक गजेन्द्र रावतको नेतृत्वमा १० जनाको प्रहरी टोली परिचालन भई खोजी कार्य जारी राखिएको जिल्ला प्रहरी कार्यालयले जनाएको छ।

प्रकाशित मिति: बुधबार, असोज ८, २०८२ १९:१४

प्रतिक्रिया दिनुहोस्