नेपाल प्रहरीका ४ डीआईजी एआईजीमा बढुवाका लागि सिफारिस

मुख्य समाचार

गृहपृष्ठ
मुख्य समाचार

नेपाल प्रहरीका ४ डीआईजी एआईजीमा बढुवाका लागि सिफारिस

क्यापिटल नेपाल आइतबार, असोज १२, २०८२

काठमाडौं। नेपाल प्रहरीका चार जना डीआईजीलाई एआईजी (अतिरिक्त महानिरीक्षक) मा बढुवाका लागि सिफारिस गरिएको छ।

गृह मन्त्रालयअन्तर्गतको बढुवा समितिको आइतबार बसेको बैठकले डीआईजीहरू सुशीलसिंह राठौर, उमाप्रसाद चतुरवेदी, हिमालयकुमार श्रेष्ठ र डम्बरबहादुर विकलाई एआईजीमा बढुवा गर्न सिफारिस गरेको हो।

बढुवा सिफारिससँगै उनीहरूको पदस्थापन पनि तोकिएको छ। डीआईजी सुशीलसिंह राठौरलाई नेपाल प्रहरी प्रधान कार्यालयको प्रशासन विभाग आर्थिक प्रशासन तथा प्रबन्ध निर्देशनालय, नक्सालमा सिफारिस गरिएको छ।

यसैगरी, उमाप्रसाद चतुरवेदीलाई मधेश प्रहरी कार्यालय, जनकपुरधामको जिम्मेवारी दिइएको छ भने हिमालयकुमार श्रेष्ठ अख्तियार दुरुपयोग अनुसन्धान आयोग प्रहरी महाशाखा, टंगालमा सिफारिस भएका छन्। चौथो डीआईजी डम्बरबहादुर विकलाई सुदूरपश्चिम प्रदेश प्रहरी कार्यालय, धनगढी, कैलालीमा दरबन्दी सिफारिस गरिएको छ।

553877518_800128825809702_5768274109187573450_n-1759072300.jpg