बाढीपहिरोले ९ राजमार्ग अवरुद्ध

पूर्वाधार

गृहपृष्ठ
पूर्वाधार

बाढीपहिरोले ९ राजमार्ग अवरुद्ध

क्यापिटल नेपाल सोमबार, असोज २०, २०८२

काठमाडौं। नेपाल प्रहरीले निरन्तरको वर्षापछिको बाढीपहिरोले ९ वटा राजमार्ग अवरुद्ध बनेको विवरण सार्वजनिक गरेको छ। प्रहरीले आज बिहान ६.४० बजे प्रकाशित गरेको विवरणअनुसार संखुवासभाको भोटखोलामा पहिरो जाँदा कोसी राजमार्ग अवरुद्ध बनेको छ।

यस्तै, ओखलढुंगाको मानेभन्ज्याङ र कटारीको दलदलेमा पहिरो जाँदा सिद्धिचरण लोकमार्ग पनि पूर्णरुपमा अवरुद्ध बनेको छ। प्रहरी विवरणअनुसार धनकुटाको पाख्रिबास र साँगुरीगढीमा पहिरो जाँदा मध्यपहाडी र कोसी राजमार्ग अवरुद्ध बनेका छन्।

यसैगरी इलामको राजदुहालीमा पहिरो खस्दा मेची राजमार्ग, रसुवाको गोसाइँकुण्डमा पहिरो जाँदा पासाङल्हामु सडक खण्ड, सिन्धुपाल्चोकको भोटेकोसीमा पहिरो खस्दा अरनिको राजमार्ग पूर्ण अवरुद्ध बनेका छन्।

प्रहरीका अनुसार काभ्रेको बकैया र रोशीमा पहिरो जाँदा बीपी राजमार्ग तथा कान्ति लोकपथ, भीमफेदी तथा इन्द्रसरोवर मकवानपुरमा पहिरो जाँदा कुलेखानी–सिस्नेरी, दक्षिणकाली–काठमाडौं सडक खण्ड पूर्णरुपमा अवरुद्ध भएको छ।

यस्तै, सिन्धुलीको मरिणमा पहिरो जाँदा अवरुद्ध मध्यपहाडी राजमार्ग एकतर्फी खुलेको छ।

प्रकाशित मिति: सोमबार, असोज २०, २०८२ ०७:५१

प्रतिक्रिया दिनुहोस्