बाढी-पहिरो: बीपी, कोशी र पासाङल्हामु राजमार्ग अझै बन्द

पूर्वाधार

गृहपृष्ठ
पूर्वाधार

बाढी-पहिरो: बीपी, कोशी र पासाङल्हामु राजमार्ग अझै बन्द

क्यापिटल नेपाल मंगलबार, असोज २१, २०८२

काठमाडाैं। बाढी-पहिरोका कारण देशका तीन प्रमुख राजमार्ग तथा विभिन्न सडकखण्डमा यातायात सेवा अझै अवरुद्ध रहेको छ। बीपी राजमार्गअन्तर्गत काभ्रेपको रोशी गाउँपालिका-११ मा पर्ने माम्तीखोला, बुलढुंगा र डालावेशीमा खसेको पहिरोका कारण आवत–जावत ठप्प छ।

त्यस्तै कोशी राजमार्ग मा पनि सङ्खुवासभाको मकालु गाउँपालिका-३ एकुवा र भोटखोला गाउँपालिका-४ बरूण मा पहिरो खस्दा सवारी साधन चल्न सकेका छैनन्।

पासाङल्हामु राजमार्ग तर्फ रसुवाको गोसाईंकुण्ड गाउँपालिका-२ स्थित घट्टेखोला, बालुवाखानी र तातोपानीमा पहिरोले बाटो छेकेको छ। यसका साथै, नेपाल र चीन नाका जोड्ने रसुवाको गोसाईंकुण्ड-२ मा रहेको मितेरी पुललाई गत असार २४ गते आएको बाढीले क्षति पुर्‍याएकाले त्यस क्षेत्रको आवागमन पनि अवरुद्ध रहेको प्रहरीले जनाएको छ।