झापामा बाढीको कहर: चार करोड बराबरको क्षति

पूर्वाधार

गृहपृष्ठ
पूर्वाधार

झापामा बाढीको कहर: चार करोड बराबरको क्षति

क्यापिटल नेपाल आइतबार, असोज २६, २०८२

काठमाडाैं। झापामा अविरल वर्षापछिको बाढीका कारण करिब ४ हजार ५०० घरपरिवार प्रभावित भएका छन्। जसमा झण्डै ३ हजार ४०० घरपरिवार झापा गाउँपालिकाका छन्।

जिल्ला प्रशासन कार्यालयका अनुसार करिब २ हजार ५०० बालबालिका पनि प्रभावित भएका छन्। साथै, उनीहरूका लागि शैक्षिक सामग्रीको व्यवस्थापन गर्न लागिएकाे बताइएकाे छ।

विपद् व्यवस्थापन समितिले ‘एकका लागि एक अभियान’ सँगको सहकार्यमा बाढीपीडितहरूलाई खाद्यान्न, तेल, नुन, म्याट र कम्बलसहितको राहत प्याकेज एकद्वार प्रणालीमार्फत वितरण गरिरहेको छ। करिब ४ हजार परिवारलाई पुग्ने खाद्यान्न व्यवस्थापन भइसकेको जनाइएको छ।

यता, गत असोज १८ गते आएको बाढीले झापाको कनकाई नगरक्षेत्रमा करिब ४ करोड बराबरको क्षति पुर्‍याएको छ। जसबाट करिब ५० घरपरिवार प्रभावित भएका छन्। कनकाई माई नदीले करिब २५ बिघा जमिन कटान गर्नुका साथै करिब ८ सय मिटर सडकमा क्षति पुगेको छ। विपद्जन्य रोगबाट बचाउन मेची प्रादेशिक अस्पताल र स्वास्थ्य कार्यालयको टोली प्रभावित क्षेत्रमा खटिएको बताइएकाे छ।

प्रकाशित मिति: आइतबार, असोज २६, २०८२ ०९:५७

प्रतिक्रिया दिनुहोस्