कोरोना महामारीले नेपालको आर्थिक वृद्धि २.८ प्रतिशतसम्म खुम्चिने विश्व बैंकको प्रक्षेपण

मुख्य समाचार

गृहपृष्ठ
मुख्य समाचार

कोरोना महामारीले नेपालको आर्थिक वृद्धि २.८ प्रतिशतसम्म खुम्चिने विश्व बैंकको प्रक्षेपण

क्यापिटल नेपालआइतबार, चैत ३०, २०७६

काठमाडौं । विश्व बैंकले कोरोना भाइरस महामारीले नेपालको अर्थतन्त्र खुम्चिने प्रक्षेपण गरेको छ । बैंकले दक्षिण एसियाको आर्थिक परिदृष्य सार्वजनिक गर्दै नेपालको आर्थिक विस्तार १.५ देखि २.८ प्रतिशतसम्म खुम्चिने प्रक्षेपण सार्वजनिक गरेको हो ।

कोरोना भाइरसको संक्रमणका कारण रेमिट्यान्स आप्रवाहमा कमी, सीमा बन्दले गर्दा व्यापार र पर्यटन क्षेत्रलाई असर पुग्दा आर्थिक वृद्धि खुम्चिने बैंकले जानकारी दिएको छ ।

कोरोना भाइरसको प्रभाव अझै लम्बिएमा सेवा र औद्योगिक उत्पादनमा थप कमी आउने र यसले आर्थिक विस्तार कम हुने जानकारी बैंकल दिएको छ । कोरोना महामारीको असर आगामी आर्थिक वर्षमा पनि पर्ने अनुमान बैंकको छ ।

‘नेपालमा कोरोना महामारीको असर कसरी परिरहेको छ । हामीले अनुगमन गरिरहेका छौं’ बैंकका विश्व बैंकका नेपालस्थितर म्यानेजर फरिस हडाड जेरभरसले भने ‘स्वास्थ समाग्री कोरोना प्रभावित क्षेत्रमा आपूर्ति गर्नु पहिलो प्राथमिकता हो ।’

कोरोना महामारीको असर कम आय भएका र अनौपचारिक क्षेत्रमा कार्यरतलाई पर्ने देखिएको छ । अर्थमन्त्री युवराज खतिवडाले पनि कोरोना महामारीले आर्थिक विस्तार २ प्रतिशतसम्म खुम्चिने अनुमान गरेका छन ।