‘कम्युनिष्ट आन्दोलनलाई अब कहिल्यै नफुट्ने गरी अघि बढाउनुपर्छ’

राजनीति

गृहपृष्ठ
राजनीति

‘कम्युनिष्ट आन्दोलनलाई अब कहिल्यै नफुट्ने गरी अघि बढाउनुपर्छ’

क्यापिटल नेपाल बुधबार, कात्तिक १९, २०८२

काठमाडौं। पूर्वप्रधानमन्त्री झलनाथ खनालले अब कहिल्यै नफुट्ने गरी कम्युनिष्ट आन्दोलनलाई एकताबद्ध बनाएर अघि बढाउनुपर्ने बताएका छन्।

बुधबार भृकुटीमण्डपमा आयोजित कम्युनिष्ट पार्टी एकता कार्यक्रममा बोल्दै खनालले अहिलेको कम्युनिष्ट एकता देशको हितमा रहेको भन्दै यसलाई बलियो बनाउन हिजो भएका कमीकमजोरीहरूलाई सुधार गर्नुपर्नेमा जोड दिए। उनले कम्युनिष्टहरूबीच एकअर्कालाई आरोप प्रत्यारोप गर्ने शृंखला अब अन्त्य हुनुपर्ने आवश्यकता औंल्याए।

नेता खनालले जायज माग लिएर आन्दोलनमा उत्रिएका जेनजीहरूको आन्दोलन हाइज्याक भएर हिसांत्मक घटनामा मोडिएको टिप्पणी गरे। देशी विदेशी प्रतिक्रियावादीले देशलाई ध्वस्त पार्न ठूलो षड्यन्त्र गरेको उनको भनाइ छ।

खनालले देशलाई पुनःनिर्माण गर्ने ताकत कम्युनिष्टहरूसँग मात्र रहेको दाबी गरे। पार्टी संगठनबारे बोल्दै नेता खनालले पार्टीमा ५० प्रतिशत युवाहरूलाई सहभागिता गराउनुपर्ने प्रस्ताव गरे।

प्रकाशित मिति: बुधबार, कात्तिक १९, २०८२ १६:३२

प्रतिक्रिया दिनुहोस्