पर्यटन बोर्डका पूर्व सीईओ जोशी प्रोजेक्ट होप ट्राभलमा ग्लोबल लिडरका रुपमा सक्रिय

मुख्य समाचार

गृहपृष्ठ
मुख्य समाचार

पर्यटन बोर्डका पूर्व सीईओ जोशी प्रोजेक्ट होप ट्राभलमा ग्लोबल लिडरका रुपमा सक्रिय

क्यापिटल नेपाल मंगलबार, वैशाख ९, २०७७

संयुुक्त राष्ट्र विश्व पर्यटन संगठन (युनाइटेड नेशन्स वल्र्ड टुरिजम अर्गनाईजेशन) का पूर्व महासचिव तथा शिव पर्यटन मान चित्रका डा तालेव रिफाईको संरक्षकत्वमा २०७७ साल बैशाख ८ गतेका दिन एउटा नयाँ पर्यटन सोच सहितको परियोजना घोषणा गरिएको छ । जसमा नेपालका पर्यटन विज्ञ दीपकराज जोशी पनि विश्वका २७ जना पर्यटन लिडर मध्ये एक विशेष व्यक्तिका रुपमा आवद्ध छन् ।

यो अवधारणाको एकजना परिकल्पनाकार समेत रहेका जोशी भन्छन् ‘पर्यटनलाई दीगो रुपमा सफल र दह्रो बनाउन विशेष ज्ञान र सीपको खाँचो हुन्छ र यस परियोजनाबाट नेपाललगायत दक्षिण एसियाली देशहरुले पनि नयाँ परिवेशमा पर्यटनलाई कसरी अघि बढाउने, गन्तव्यका सफल अभ्यासहरु प्रचारित गरी कसरी लाभ लिने, भविश्यमा आउने संकटसँग जुध्न कसरी तयार रहने जस्ता विषयमा थप सजग र सकरात्मक रुपले सक्रिय रहन सहयोग लिन सक्नेछन ।’

कोभिड–१९ ले पर्यटनमा पार्ने परिस्थितिका लागि तयार रहन र पर्यटनमा नयाँ सोच तथा पहलका साथ अघि बढ्ने क्रममा पर्यटनलाई प्राथमिकतामा राख्दै अघि बढिरहेका देशहरु तथा गन्तव्यहरुलाई सहयोग गर्न यो परियोजना शुरु गरिएको छ ।

हालसम्म करीब ३२ देशका प्रतिनिधिहरु संलग्न भइसकेका यस प्रोजेक्ट होप ट्राभल परियोजनाले पर्यटनलाई विश्वव्यापी रुपमा अझ बढी उत्तरदायी, सुन्दर र समृद्ध बनाउन थप भूमिका खेल्ने छ ।

विश्व पर्यटन क्षेत्रमा नेतृत्वदायी भूमिका खेलेका र विशिष्ट योगदान दिएका व्यक्तिहरुको सक्रियतामा अघि बढाइएको यस परियोजनालाई अफ्रिकन टुरिजम बोर्डले आत्मसात गर्दे अघि बढाउने भएको छ । समग्र अफ्रिकालाई एक गन्तव्यका रुपमा विकास र प्रवद्र्धन गर्ने अवधारणा सहित २०१८ को नोभम्बरमा लन्डनमा भएको वल्र्ड ट्राभल मार्केटमा यस बोर्डको लन्चिङ गर्दै शुरुवात भएको थियो । अफ्रिकी देशसँगै विश्वका ६० भन्दा बढी देश र अन्य पर्यटन संग सम्वद्ध संस्थाहरु यस बोर्डका सदस्य रहेका छन ।

प्रकाशित मिति: मंगलबार, वैशाख ९, २०७७ १०:१५