व्यतीत बिमालेखको रकम ३६.७७ अर्ब नाघ्यो, बिमालेख समर्पण संख्या घट्यो

बैंकिङ

गृहपृष्ठ
बैंकिङ

व्यतीत बिमालेखको रकम ३६.७७ अर्ब नाघ्यो, बिमालेख समर्पण संख्या घट्यो

क्यापिटल नेपाल सोमबार, मंसिर २२, २०८२

काठमाडौं। नेपाल बिमा प्राधिकरणका अनुसार चालू आर्थिक वर्ष २०८२/८३ को पहिलो चार महिना कात्तिकसम्म व्यतीत बिमालेखबापतको रकम, बिमालेख संख्या बढेको छ भने बिमा समर्पण संख्या र रकम दुवै घटेको छ। गत आर्थिक वर्ष २०८१/८२ कात्तिकको तुलनामा समीक्षा अवधिमा बिमा रकम र बिमालेख संख्या बढेको हो।

व्यतीत बिमालेखको रकम ३५ अर्ब १३ करोड २ लाख ९४ हजारबाट ४.६९ प्रतिशतले बढेर ३६ अर्ब ७७ करोड ८५ लाख ८४ हजार रुपैयाँ पुगेको छ। यस्तै, व्यतीत बिमालेखको संख्या १२ लाख ५ हजार ९६२ बाट ०.९७ प्रतिशत बढेर १२ लाख १७ हजार ७०२ पुगेको उल्लेख छ। तथ्यांकअनुसार अघिल्लो वर्षको तुलनामा समीक्षा अवधिमा बिमालेख समर्पण संख्या र रकम दुवै घटेको छ।

बिमालेख समर्पण संख्या १८.१४ प्रतिशत घटेको छ। समीक्षा अवधिसम्म बीमालेख समर्पण संख्या ३५ लाख ९८५ बाट घटेर २९ हजार ४५९ मा सीमित भएको बिमा प्राधिकरणले प्रकाशन गरेको ‘बिमा प्रतिविम्ब’मा उल्लेख छ।

यसैगरी समर्पण रकमसमेत ६.२७ प्रतिशत घटेको छ। गत आर्थिक वर्ष २०८१।८२ मा ४ अर्ब ८२ करोड ९७ लाख २६ हजार रुपैयाँ रहेकामा यो वर्ष घटेर ४ अर्ब ५२ अर्ब ६९ लाख ६६ हजारमा झरेको छ।

प्रकाशित मिति: सोमबार, मंसिर २२, २०८२ ०७:४६

प्रतिक्रिया दिनुहोस्