ऐनअनुसार नै ठेक्का तोडिएको छः महानिर्देशक बोहोरा

पूर्वाधार

गृहपृष्ठ
पूर्वाधार

ऐनअनुसार नै ठेक्का तोडिएको छः महानिर्देशक बोहोरा

क्यापिटल नेपाल मंगलबार, मंसिर २३, २०८२

काठमाडौं। सहरी विकास तथा भवन निर्माण विभागका महानिर्देशक रविन्द्र बोहोराले खरिद ऐनको स्पष्ट व्यवस्थाअनुसार ठेक्का तोडिएको बताएका छन्। नेपाल पुर्वाधार पत्रकार समाजले नेपाल निर्माण व्यवसायी महासंघसँगको सहकार्यमा मंगलबार काठमाडौंमा आयोजना गरेको ‘रुग्ण ठेक्का व्यवस्थापन सम्बन्धी’ सरोकारवाला निकायसँग संवाद कार्यक्रममा उनले यस्तो बताएका हुन्।

सार्वजनिक खरिदमा देखिएका समस्या सुधार गर्नुपर्नेमा उनले जाेड दिए। महानिर्देशक बोहोराले ठेक्कालाई सही रुपमा व्यवस्थापन गर्न अबको बाटो नै कानुनी सुधार भएको उल्लेख गरे। अब खरिद सम्बन्धी कानुन फेलीक्जीवल बनाउनुपर्ने उनकाे भनाइ छ। यस्तै, उनले ठेक्का रुग्ण हुँदा स्थानीय बासिन्दालाई पर्ने असरबारे पनि छलफल गर्न आवश्यक रहेको बताए।

उनले भने,‘कमला नदीमा १५ वर्षसम्म पुल नबन्दा स्थानीयले दुःख पाए। ठेक्का तोड्दा निर्माण व्यवसायी मर्कामा त परेका छन्। त्यससँगै परियोजना नबन्दा जनता पनि मर्कामा परेका छन्। यसमा पनि ध्यान दिनुपर्छ। समग्रमा हामी काम सक्काउने गरी अघि बढ्नुपर्छ।’

प्रकाशित मिति: मंगलबार, मंसिर २३, २०८२ १५:०७

प्रतिक्रिया दिनुहोस्