निर्माण क्षेत्रमा कर्पाेरेट कल्चरको विकास हुनुपर्छः सचिव शर्मा

पूर्वाधार

गृहपृष्ठ
पूर्वाधार

निर्माण क्षेत्रमा कर्पाेरेट कल्चरको विकास हुनुपर्छः सचिव शर्मा

क्यापिटल नेपाल मंगलबार, मंसिर २३, २०८२

काठमाडौं। भौतिक पुर्वाधार तथा यातायात मन्त्रालयका सचिव केशवकुमार शर्माले नेपालमा एकीकृत खरिद ऐन नै बनाएर गल्ती गरियो कि भनेर अभिव्यक्ति दिएका छन्।

नेपाल पुर्वाधार पत्रकार समाजले नेपाल निर्माण व्यवसायी महासंघसँगको सहकार्यमा मंगलबार काठमाडौंमा आयोजना गरेको ‘रुग्ण ठेक्का व्यवस्थापन सम्बन्धी’ सरोकारवाला निकायसँग संवाद कार्यक्रममा उनले यस्तो बताएका हुन्।

‘आजको दिनसम्म पनि भारतमा खरिद ऐन छैन। किनकी, क्षेत्रअनुसार आफ्नै आफ्नै समस्या र विशेषता हुन्छन्। त्यसको लागि ऐन पनि छुट्टा छुट्टै हुन्छ,’ उनले भने, ‘डटपेन र जहाज किन्ने ऐन एउटै भयो भने समस्या हुन्छ। त्यसैले भारतमा खरिद ऐन छैन। ठेक्का सम्झौतामै धेरै कुराहरु सम्बोधन गरिन्छ। ऐनबाट हुँदैन।’

यस्तै, निर्माण कम्पनीमा कर्पाेरेट कल्चर विकास हुनुपर्ने बताए। निर्माण कम्पनीको संख्या घटाएर क्षमता बढाउनुपर्ने उनकाे भनाइ छ। अब परियोजनाको लागत अनुमान गर्दा नै सामाजिक क्षेत्रमा हुने खर्चलाई पनि समावेश गर्नुपर्नेमा उनले जाेड दिए। कतिपय अवस्थामा स्थानीयको माग सम्बोधन गर्दा पनि लागत बढ्न गई ठेक्का रुग्ण भएको उनकाे भनाइ छ। जथाभावी रुपमा ठेक्का तोडिएको भए निर्माण व्यवसायीले न्याय पाउने पनि उनले बताए।

प्रकाशित मिति: मंगलबार, मंसिर २३, २०८२ १५:३२

प्रतिक्रिया दिनुहोस्