एनपीएलमा लुम्बिनी र विराटनगर भिड्दै, विजेता टोली फाइनलमा पुग्ने

समाज

गृहपृष्ठ
समाज

एनपीएलमा लुम्बिनी र विराटनगर भिड्दै, विजेता टोली फाइनलमा पुग्ने

क्यापिटल नेपाल बिहीबार, मंसिर २५, २०८२

काठमाडौं। त्रिभुवन अन्तर्राष्ट्रिय क्रिकेट रंगशालामा जारी नेपाल प्रिमियर लिग (एनपीएल)अन्तर्गत दोस्रो क्वालिफायरमा आज अपराह्न ४ः०० बजे लुम्बिनी लायन्स र विराटनगर किंग्स भिड्दैछन् ।

पहिलो क्वालिफायरमा सुदूरपश्चिम रोयल्ससँग ७७ रनले पराजित भएपछि विराटनगरले दोस्रो क्वालिफायर खेल्ने मौका पाएको हो।

लुम्बिनीले इलिमिनेटरमा काठमाडौं गोर्खाजलाई ४ विकेटले हराएर दोस्रो क्वालिफायरमा पुग्न सफल भएको छ। लिग चरणमा लुम्बिनीले विराटनगरलाई ५ विकेटले हराएको हो।

आज विजयी हुने टोली फाइनलमा पुग्ने भएकाले दुवै टोलीका लागि यो खेल महत्त्वपूर्ण छ। विजयी टोली उपाधिका लागि सुदूरपश्चिमसँग सामना गर्नेछ। फाइनल खेल मंसिर २७ गते हुनेछ।

प्रकाशित मिति: बिहीबार, मंसिर २५, २०८२ ०७:३५

प्रतिक्रिया दिनुहोस्