आईपीएल अक्सनः महँगा विदेशी खेलाडी बने क्यामरुन ग्रीन, २८ करोड २० लाख भारुमा अनुबन्ध

समाज

गृहपृष्ठ
समाज

आईपीएल अक्सनः महँगा विदेशी खेलाडी बने क्यामरुन ग्रीन, २८ करोड २० लाख भारुमा अनुबन्ध

क्यापिटल नेपाल बुधबार, पुस २, २०८२

काठमाडौं। अस्ट्रेलियाका क्रिकेटर क्यामरुन ग्रीन इन्डियन प्रिमियर लिग (आईपीएल) इतिहासकै सबैभन्दा महँगा विदेशी खेलाडी बनेका छन्।

संयुक्त अरब इमिरेट्स (यूएई)को राजधानी अबुधाबीमा चलिरहेको आईपीएल अक्सनमा कोलकाता नाइट राइडर्सले २६ वर्षीय ग्रीनलाई २८ करोड २० लाख भारुमा अनुबन्ध गरेको हो।

यसअघि सन् २०२४ को अक्सनमा कोलकाताले अस्ट्रेलियाकै मिचेल स्टार्कलाई २४ करोड ७८ लाख भारुमा अनुबन्ध गरेको थियो।यस्तै, कोलकाताले आईपीएल २०२६ को अक्सनमा दोस्रो सबैभन्दा महँगो खेलाडीका रूपमा श्रीलंकाका तीव्र गतिका बहर मथेशा पाथिरानालाई १८ करोड भारुमा अनुबन्ध गरेको छ।

क्यामरुन ग्रीन आईपीएल इतिहासकै तेस्रो महँगा खेलाडी बनेका छन्। सन् २०२५ को मेगा अक्शनमा लखनउ सुपर जायन्ट्सले भारतका ऋषभ पन्तलाई २७ करोड र पन्जाब किंग्सले भारतकै श्रेयस अय्यरलाई २६ करोड ७५ लाख भारुमा अनुबन्ध गरेको थियो।