जेनजी ढुंगाना समूहलाई काठमाडौं प्रशासनको रोक, विरोध प्रदर्शन अनुमति दिइएन

राजनीति

गृहपृष्ठ
राजनीति

जेनजी ढुंगाना समूहलाई काठमाडौं प्रशासनको रोक, विरोध प्रदर्शन अनुमति दिइएन

क्यापिटल नेपाल सोमबार, पुस ७, २०८२

काठमाडौं। सुशीला कार्की नेतृत्वको चुनावी अन्तरिम सरकार बर्खास्तगी माग गर्दै आजदेखि देशव्यापी आन्दोलनमा उत्रिएको मिराज ढुंगाना नेतृत्वको जेनजी समूहलाई काठमाडौं प्रशासनले विरोध प्रदर्शन अनुमति नदिइने सूचना जारी गरेको छ। आन्दोलन घोषणा गर्दै अनुमति माग्न प्रशासन पुगेको जेनजी समूहको टोलीलाई प्रशासनले विरोध प्रदर्शनमा रोक लगाएको हो।

आज जेनजीका विभिन्न समूहले आन्दोलन गर्न पाउनुपर्ने मागसहित जिल्ला प्रशासन कार्यालय काठमाडौंमा निवेदन दर्ता गराएका थिए । तर, प्रशासनले सार्वजनिक शान्ति–सुरक्षालाई ध्यानमा राख्दै कुनै पनि समूहलाई प्रदर्शन अनुमति नदिइएको सूचनामा उल्लेख छ।

पुस ६ मा आन्दोलन घोषणा गरेको जेनजी समूहले अनुमतिबिनै सडक तताइने चेतावनी दिएको थियो। जेनजी समूहले आज बिहान ११ बजेदेखि माइतीघरमा विरोध प्रदर्शन गरिने भने बाक्लो संख्यामा सुरक्षाकर्मी परिचालन गरेर रोकिएको छ।

प्रकाशित मिति: सोमबार, पुस ७, २०८२ १२:१७

प्रतिक्रिया दिनुहोस्