काभ्रेको रोडा ढुंगा उद्योगमा पहिरो: डोजर अपरेटरको मृत्यु, एक घाइते

पूर्वाधार

गृहपृष्ठ
पूर्वाधार

काभ्रेको रोडा ढुंगा उद्योगमा पहिरो: डोजर अपरेटरको मृत्यु, एक घाइते

क्यापिटल नेपाल मंगलबार, पुस ८, २०८२

काठमाडौं। काभ्रेको पनौती नगरपालिका–१२ मा सञ्चालित रोशी रोडा ढुंगा उद्योगमा पहिरो जाँदा एक जनाको घटनास्थलमै मृत्यु भएको छ। उद्योग परिसरमा एक्स्काभेटर (डोजर) ले खन्ने क्रममा अचानक माथिबाट पहिरो खसेपछि उनको मृत्यु भएको हाे।

मृत्यु हुनेमा डोजर अपरेटर ३४ वर्षीय रामबहादुर तिमल्सिना रहेका छन्।

खानीखोला गाउँपालिका–२ घर भई हाल पनौती–९ बस्दै आएका तिमल्सिनाको पहिरोले पुरिएर घटनास्थलमै ज्यान गएको जिल्ला प्रहरी कार्यालय काभ्रेले जनाएको छ। उनी सोही उद्योगमा एक्स्काभेटर चालकका रूपमा कार्यरत थिए।

पहिरोमा परी सोही ठाउँका ३५ वर्षीय ईश्वर गुरुङ घाइते भएका छन्। उनलाई तत्काल उद्धार गरी उपचारका लागि स्थानीय अस्पताल पठाइएको छ। खानीमा काम गरिरहेकै अवस्थामा सुख्खा पहिरो खसेकाले उनीहरूले भाग्ने मौका नपाएको प्रत्यक्षदर्शीले बताएका छन्।