नेपाल एयरलाइन्सले सिनामंगलमा १५ तले व्यवसायीक भवन बनाउने, कान्तिपथको भाडामा दिने

मुख्य समाचार

गृहपृष्ठ
मुख्य समाचार

नेपाल एयरलाइन्सले सिनामंगलमा १५ तले व्यवसायीक भवन बनाउने, कान्तिपथको भाडामा दिने

क्यापिटल नेपाल शनिबार, वैशाख २०, २०७७

काठमाडौं । नेपाल एयरलाइन्सले सिनामंगलमा रहेको करिब ३५ रोपनी जग्गामा १५ तले व्यावसायीक भवन बनाउने भएको छ । एयरलाइन्सका कार्यकारी अध्यक्ष सुशिल घिमिरेले भवन निर्माणको लागि नक्सा तयार भइसकेको जानकारी दिए ।

भवन निर्माणको लागि अर्थमन्त्रालयले स्वीकृती दिएर मन्त्रिपरिषदबाट समेत पास हुनुपर्छ । भवन निर्माण टेण्डरको लागि आवश्यक प्रक्रिया अगाडी बढीरहेको उनले बताए । सो भवन नेपाल एयरलाइन्स आफैले बनाउन लागेको भने होइन । ‘निश्चित समयमका लागि भाडामा दिएर त्यहाँ व्यवसायीक भवन बनाउन टेण्डर आब्हान गरिन्छ,’ अध्यक्ष घिमिरेले भने ‘त्यसको करिब ३ तला एयरलाइन्सले नै प्रयोग गर्छ ।’

टेण्डर मार्फत जुन कम्पनीले एयरलाइन्सलाई सबैभन्दा बढी भाडा दिन्छ ,त्यहि कम्पनीलाई जिम्मा दिने उनले बताए । पछिल्लो समय एयरलाइन्स आर्थिक संकटमा परिरहेको बेला विभिन्न ठाउँमा रहेको जग्गाको सदुपयोग गर्न घिमिरे लागि परेका छुन् । त्यति मात्र हैन, कान्तिपथमा रहेको ३ तले भवनलाई खाली गराएर व्यवसायीक प्रयोजनका लागि भाडामा दिने तयारी भएको छ ।

सिनामंगलमा भवन निर्माण भएपछि त्यहाँबाट आउने भाडा र कान्तिपथमा रहेको भवनको भाडाबाट कर्मचारीलाई व्यवस्थापन गर्न सकिने उनको ठहर छ । अहिले काठमाडौं उपत्यका सहित देशका विभिन्न भागमा एयरलाइन्सको नाममा जग्गाहरु रहेका छन् । ती जग्गाको तथ्यांक खोजि सम्भव भएका ठाउँमा व्यवसायीक

भवनहरु बनाएर भाडामा लगाउने तथा भाडामै रहेका जग्गा र भवनको पुनमुल्याकंन गर्न लागिएको अध्यक्ष घिमिरेले जानकारी दिए ।
सिनामंगलमा व्यवसायीक भवन निर्माणको लागि नक्सा भने पूर्व अध्यक्ष मदन खरेलकै पालमा तयार पारिएको थियो ।

प्रकाशित मिति: शनिबार, वैशाख २०, २०७७ १५:१३

प्रतिक्रिया दिनुहोस्