बाँकेमा अस्थायी मतदाताको विवरण संकलन सुरु

राजनीति

गृहपृष्ठ
राजनीति

बाँकेमा अस्थायी मतदाताको विवरण संकलन सुरु

क्यापिटल नेपाल आइतबार, पुस १३, २०८२

काठमाडौं। बाँकेमा अस्थायी मतदाताको विवरण संकलन सुरु गरिएको छ। जिल्ला निर्वाचन अधिकारी टेकबहादुर शाहीले बाँकेमा रहेका विभिन्न स्थानीय तह, संघसंस्था, कारागारसँग अस्थायी तथा करार कर्मचारीहरुको विवरण माग गरिएको जानकारी दिए।

जिल्लामा छ हजारको संख्यामा अस्थायी मतदाता रहेको अनुमान छ। एक साताअघिबाट अस्थायी मतदाताको विवरण संकलन सुरु गरिएको जिल्ला निर्वाचन कार्यालयले जनाएको छ।

जिल्लामा ९५४ जनाको दोहोरो नाम हटाएपछि जिल्लामा नयाँ मतदाताको संख्या १५ हजार १५० कायम भएको जिल्ला निर्वाचन कार्यालय बाँकेका प्रमुख रहनु भएको शाहीले जानकारी दिए। ‘मतदाता नामावलीमा परिचयपत्रका आधारमा नाम दर्ता गराउने पनि छन्,’ उनले भने।

प्रमुख शाहीका अनुसार नेपालगञ्ज उपमहानगर, बैजनाथ गाउँपालिका, खजुरा गाउँपालिका, राप्तीसोनारी गाउँपालिका र कोहलपुर नगरपालिकामा मतदाता नामावलीमा दोहोरो नाम दर्ता गराएको पाइएको थियो। बाँकेमा साविकका तीन लाख ३३ हजार ९३४ मतदाता रहेको जिल्ला निर्वाचन कार्यालय, नेपालगञ्जले जनाएको छ।