पूर्वगृहमन्त्री लेखकसँग बयान लिँदै जाँचबुझ आयोग, जेनजी आन्दोलनको नरसंहार र विध्वंसबारे सोधपुछ हुने

राजनीति

गृहपृष्ठ
राजनीति

पूर्वगृहमन्त्री लेखकसँग बयान लिँदै जाँचबुझ आयोग, जेनजी आन्दोलनको नरसंहार र विध्वंसबारे सोधपुछ हुने

क्यापिटल नेपाल सोमबार, पुस १४, २०८२

काठमाडौं। भ्दौ २३ र २४ को जेनजी आन्दोलनका क्रममा भएको मानवीय हताहती र सार्वजनिक तथा निजी सम्पत्तिमाथिको विध्वंसबारे पूर्वगृहमन्त्री रमेश लेखकले जाँचबुझ आयोगमा बयान दिन जाने भएका छन्। भदौ २३ र २४ को घटना छानबिन गर्न गठित आयोगले पूर्वगृहमन्त्रीका हैसियतमा लेखकलाई बोलाएर बयान लिन लागेको हो।

आयोगले सोधपुछका लागि बोलाएपछि लेखक अहिले बिहान ११ बजे आयोगको कार्यालयमा उपस्थित हुन लागेका हुन्।

जेनजी आन्दोलनका क्रममा गत भदौ २३ र २४ गते घटेको विशेष घटनाको छानबिन गरिरहेको आयोगले यसअघि नै लेखकलाई पुस ८ गते बयानका लागि बोलाएको थियो। सोही प्रक्रियालाई निरन्तरता दिँदै आज आयोगको टोलीसमक्ष बयान दिन लागेको उनको सचिवालयले बताएको छ।

आयोगमा बयान दिएपछि लेखकले दिउँसो ४ बजे सिंहदरबारस्थित कांग्रेस संसदीय दलको कार्यालयमा पत्रकार सम्मेलन गर्ने बुझिएको छ।