सलिकोले सेयरधनीलाई १५ प्रतिशत नगद लाभांश दिने

बैंकिङ

गृहपृष्ठ
बैंकिङ

सलिकोले सेयरधनीलाई १५ प्रतिशत नगद लाभांश दिने

क्यापिटल नेपाल मंगलबार, पुस २९, २०८२

काठमाडौं। सगरमाथा लुम्बिनी इन्स्योरेन्स कम्पनी लिमिटेडको आ.व. २०८१/८२ को २९औँ वार्षिक साधारणसभा अध्यक्ष मनोहर दास मुलको सभापतित्वमा सम्पन्न भएको छ। काठमाडौंको कालिका स्थान कार्यक्रम सम्पन्न भएको हो।

सभामा कम्पनीका अध्यक्ष मुलले सगरमाथा लुम्बिनी इन्स्योरेन्स कम्पनी लि. (सलिको)को व्यवसायलगायतका अन्य काम कारवाहीबारे सेयरधनीलाई विस्तृत रुपमा जानकारी गराएका थिए।

गत आ.व.मा कम्पनीले खुद नाफा ५० करोड २ लाख ४८ हजार पुगेको छ। जुन गत आ.व.को तुलनामा ८.५२ प्रतिशतले बढी हो। यसै गरी, गत वर्षको दाबी भुक्तानी दुई अर्ब ८३ करोड ३३ लाखको तुलनामा यस आ.वमा तीन अर्ब ६२ करोड ५१ लाख ५५ हजारको दाबी भुक्तानी गरेको जानकारी दिए। आउँदो वर्षमा पनि ग्राहकलाई उच्च सेवा दिने लक्ष्यसहित कम्पनी अगाडि बढेको बताए।

सभाले सञ्चालक समितिको वार्षिक प्रतिवेदन, सगरमाथा लुम्बिनी इन्स्योरेन्स कम्पनी लि. को आर्थिक वर्ष २०८१/८२ को वित्तीय विवरण पारित गर्ने, आ.ब. २०८२/८३ को लागि लेखापरीक्षकको नियुक्ति, सञ्चालक समितिले सिफारिस गरे बमोजिम सेयरधनीहरुलाई १५ प्रतिशत नगद लाभांश वितरण गर्ने, प्रस्ताव पारित गर्ने निर्णय गरेको छ।

प्रकाशित मिति: मंगलबार, पुस २९, २०८२ १७:२४

प्रतिक्रिया दिनुहोस्