सभापति गगन थापा निर्वाचन आयोग जाने तयारीमा, आधिकारिक कांग्रेसको छिनोफानो हुने

राजनीति

गृहपृष्ठ
राजनीति

सभापति गगन थापा निर्वाचन आयोग जाने तयारीमा, आधिकारिक कांग्रेसको छिनोफानो हुने

क्यापिटल नेपाल बिहीबार, माघ १, २०८२

काठमाडौं। संस्थापन शेरबहादुर देउवा समूहले निष्कासित गरे पनि बहुमत महाधिवेशन प्रतिनिधिले निर्वाचित गरेपछि नेपाली कांग्रेसको गगन थापा समूह आज आधिकारिकता खोज्दै निर्वाचन आयोग जाने तयारी छ।

सभापतिमा निर्वाचित लगत्तै आज बिहान नेता कार्यकर्तालाई सम्बोधन गर्दै नवनिर्वाचित सभापति थापाले निर्वाचन आयोग गएर कांग्रेसको वैधानिकता खोजिने बताएका हुन्।

उनले यसअघि नै पनि आयोगमा विशेष महाधिवेशनको विषयमा आयोगमा जानकारी गराइसकेको उनको भनाइ छ। थापाले आयोग कुनै अवैध शक्तिको प्रभावमा नपर्ने विश्वास व्यक्त गरे।

उनले आफू नेतृत्वको कार्यसमिति नै कांग्रेसको वैधानिक समिति भएको जिकिर गर्दै वैधानिकता पाउने विश्वास व्यक्त गरे।

प्रकाशित मिति: बिहीबार, माघ १, २०८२ ०६:१८