सभापति थापाले बोलाए कांग्रेस केन्द्रीय समिति बैठक, आगामी रणनीति र पार्टीलाई एकताबद्ध बनाउन आह्वान गरिने

राजनीति

गृहपृष्ठ
राजनीति

सभापति थापाले बोलाए कांग्रेस केन्द्रीय समिति बैठक, आगामी रणनीति र पार्टीलाई एकताबद्ध बनाउन आह्वान गरिने

क्यापिटल नेपाल शनिबार, माघ ३, २०८२

काठमाडौं। नेपाली कांग्रेस सभापति गगन थापाले केन्द्रीय समिति बैठक बोलाएका छन्। शुक्रबार बेलुकी निर्वाचन आयोगले आधिकारिकता दिएपछि आज कांग्रेसको केन्द्रीय समिति बैठक बस्न थालेको हो।

बिहान ११ः३० बजे नयाँ बानेश्वर स्थित अर्पण बैंक्वेटमा बस्ने बैठकमा पछिल्लो राजनीतिक अवस्था, पूर्वसभापति शेरबहादुर देउवा समूहलाई पार्टी एकतामा आउन आग्रह गर्नेलगायत विषयमा छलफल हुने बताइएको छ। माघ ६ मा प्रत्यक्ष निर्वाचनका लागि उम्मेदवार छनोटको सूची तयार पार्न व्यस्त हुनुपर्नेछ।

पुस २७ देखि ३० सम्म काठमाडौँको भृकुटीमण्डपमा सम्पन्न विशेष महाधिवेशनबाट थापा सभापति चयन भएका थिए। सभापति चयन भएपछि देउवा पक्षले त्यसलाई अवैधानिक करार गरेको छ भने आयोगको निर्णय अस्वीकारेको छ।

प्रकाशित मिति: शनिबार, माघ ३, २०८२ १०:५१