कांग्रेसलाई देउवाको संरक्षकत्वमा एकढिक्का बनाएर अगाडि लैजान्छौंः सभापति गगन थापा

राजनीति

गृहपृष्ठ
राजनीति

कांग्रेसलाई देउवाको संरक्षकत्वमा एकढिक्का बनाएर अगाडि लैजान्छौंः सभापति गगन थापा

क्यापिटल नेपाल शनिबार, माघ ३, २०८२

काठमाडौं। नेपाली कांग्रेसका सभापति गगनकुमार थापाले पार्टीलाई आगामी दिनमा एकढिक्का बनाएर अगाडि बढाउने बताएका छन्।

कांग्रेको दोस्रो विशेष महाधिवेशनलाई निर्वाचन आयोगले मान्यता दिएपछि आज केन्द्रीय कार्यसमिति बैठक बस्नुअघि सञ्चारकर्मीसँग कुरा गर्दै उनले विगतका तिक्ततालाई बिर्सेर पार्टीलाई आगामी दिनमा एकढिक्का बनाएर अगाडि बढ्ने बताएका हुन्।

निर्वाचन आयोगले निर्णय गरिसकेपछि निर्णयलाई स्वीकार गरेर आगामी दिनमा अगाडि बढ्नुपर्नेमा उनले जोड दिए। ‘पार्टीभित्रका अग्रज नेतालाई सँगै हिँडाउने र नयाँ युवालाई जोडेर अगाडि बढ्छौँ। पूर्वसभापति शेरबहादुर देउवाको अभिभावकत्व र संरक्षकत्वको भूमिका खोजेका छौं। एकाध दिनभित्र सिंगो कांग्रेस एक ठाउँमा उभिने वातावरण बनाउन लागिरहेका छौं,’ उनले भने।

उनले फागुन २१ मा हुने निर्वाचनका लागि उम्मेदवार टुंगाउने समय नजिकिएसँगै समयको चाप रहेको भन्दै सबैलाई साथमा लिएर पार्टीलाई आगाडि बढाउने दृढता व्यक्त गरे।