सानोथिमि बाल सुधारगृहमा झडप र आगजनी, क्षति विवरण आउँदै

समाज

गृहपृष्ठ
समाज

सानोथिमि बाल सुधारगृहमा झडप र आगजनी, क्षति विवरण आउँदै

क्यापिटल नेपाल शुक्रबार, माघ ९, २०८२

भक्तपुर। मध्यपुरथिमि–२ सानोथिमिस्थित बाल सुधारगृहमा बिहीबार राती झडप र आगजनी भएको छ। बाल सुधारगृहका दुई समूहबीच भएको झडप आगजनी र तोडफोडमा परिणत भएको थियो।

आपसमा झडप भएपछि थिमि प्रहरी वृत्तका प्रमुख नवराज ढुंगाना नेतृत्वको टोलीले सुधारगृह पुगेर स्थिति नियन्त्रणमा लिने प्रयास गरेको थियो।

प्रहरी टोलीलाई झडपमा संलग्न दुवै समूहले प्रहरीमाथि नै ढुंगामुढा गरेको थियो स्थिति नियन्त्रण बाहिर गएपछि सशस्त्र प्रहरी बलबाट ५० जना परिचालन भएका थिए।

मध्यरातमा भक्तपुर र काठमाडौँका वारुणयन्त्रले आगो निभाएका थिए। सुधारगृहमा भएको क्षतिको विवरण आउन बाँकी रहेको थिमि प्रहरी वृत्तले जनाएको छ। उक्त गृहमा १४५ पुरुष र २४ महिला गरी १६९ जना छन्।