अमेजनले थप १६ हजार कर्मचारी कटौती गर्ने

अन्तर्राष्ट्रिय

गृहपृष्ठ
अन्तर्राष्ट्रिय

अमेजनले थप १६ हजार कर्मचारी कटौती गर्ने

क्यापिटल नेपाल बुधबार, माघ १४, २०८२

काठमाडौं। अमेरिकी बहुराष्ट्रिय प्रविधि कम्पनी (अमेजन)ले अक्टोबरमा घोषणा गरिएको पुनर्संरचना अन्तर्गत भन्दै विश्वव्यापी रुपमा १६ हजार रोजगारी कटौती गर्ने बताएको छ।

यसअघि कम्पनीले १४ हजार कर्मचारी कटौती गर्ने योजना सार्वजनिक गरेको विशाल ई–कमर्स कम्पनीले थप १६ हजार पदलाई समायोजन गर्ने बताएको हो।

वरिष्ठ उपाध्यक्ष बेथ गालेट्टीले एक विज्ञप्ति जारी गरी पद समायोजनसम्बन्धी आगामी योजनाबारे जानकारी गराएका हुन्। उनले भने, “रोजगारी कटौतीको उद्देश्य ‘तहहरू घटाउने, स्वामित्व बढाउने, र कर्मचारीतन्त्र हटाउने’ हो।”

अक्टोबरका मिडिया रिपोर्टले गरेको प्रक्षेपण अनुसार करिब ३० हजार रोजगार कटौती अमेजनको तीन लाख ५० हजार प्रत्यक्ष रूपमा यसका कार्यालयमा काम गर्ने रोजगारीको १० प्रतिशतभन्दा बढी हो।

योजनाले वितरण र गोदाम कामदारलाई प्रभावित नगरी कार्यालयमा काम गर्ने जनशक्तिलाई कम गर्ने छ। यो क्षेत्रमा रहेको करिब १५ लाख कर्मचारीलाई भने यो योजनाले कुनै प्रभाव पार्ने छैन।

कम्पनीले जनशक्ति कटौतीसम्बन्धी मिडिया रिपोर्टहरूमा टिप्पणी गर्न अस्वीकार गरेको छ। अमेजनका जनशक्ति कटौति कृत्रिम बुद्धिमत्ता (एएआई)मा बढ्दो लगानीबीच आएका हुन्।

कम्पनीले आफ्नो पूर्ण वर्ष सन् २०२५ को योजनाबारे पत्रकार सम्मेलन गरी फेब्रुअरी ६ मा जानकारी गराउने छ।

प्रकाशित मिति: बुधबार, माघ १४, २०८२ २०:३९