सुनको मूल्यमा कीर्तिमानी गिरावट, एकै दिन साढे २० हजार रुपैयाँले घट्यो

कर्पोरेट बजार

गृहपृष्ठ
कर्पोरेट बजार

सुनको मूल्यमा कीर्तिमानी गिरावट, एकै दिन साढे २० हजार रुपैयाँले घट्यो

क्यापिटल नेपाल शुक्रबार, माघ १६, २०८२

काठमाडौं। नेपालीको क्रयशक्ति बाहिर हुँदै गरेको सुनचाँदी मूल्य लामो समयपछि घटेको छ। बिहीबार छापावाल सुन प्रतितोला २० हजार ५०० रुपैयाँले बढेकामा आज पुनः सोही मूल्यमा घटेको हो।

नेपाल सुनचाँदी व्यवसायी महासंघका अनुसार बिहीबार प्रतितोला २० हजार पाँच सय रुपैयाँ बढेर हालसम्मकै उच्च बिन्दुमा पुगेको छापावाल सुनको मूल्य आज प्रतितोला २० हजार पाँच सय रुपैयाँ घटेको छ। बिहीबार छापावाल सुन प्रतितोला ३ लाख ३९ हजार ३०० रुपैयाँमा कारोबार भएको थियो।

महासंघका अनुसार आज सुन प्रतितोला ३ लाख १८ हजार ८०० रुपैयाँमा कारोबार भइरहेको छ। यस्तै, आज चाँदीको मूल्य पनि घटेको छ। बिहीबार तोलामा ७ हजार ५ सय पाँच रुपैयाँमा कारोबार भएको चाँदी शुक्रबार सात हजार ६५ रुपैयाँमा कारोबार भइरहेको छ। यो मूल्य अघिल्लो दिनको तुलनामा प्रतितोला ४४० रुपैयाँ घटेको हो।

गत बुधबार एक तोला छापावाल सुनको मूल्य तीन लाख १८ हजार ८०० र त्यति नै चाँदीको मोल सात हजार ३०० कायम भएको थियो । यसैगरी गत मंगलबार एक तोला छापावाल सुनको मूल्य तीन लाख ९ हजार ३०० त्यति नै चाँदीको मूल्य ६ हजार ८७० कायम भएको थियो।