'फ्रि भिसा-फ्रि टिकटको व्यवस्था खारेज गरौँ'

समाज

गृहपृष्ठ
समाज

'फ्रि भिसा-फ्रि टिकटको व्यवस्था खारेज गरौँ'

क्यापिटल नेपाल मंगलबार, माघ २०, २०८२

काठमाडौं। श्रम, रोजगार तथा सामाजिक सुरक्षामन्त्री राजेन्द्रसिंह भण्डारीले फ्रि भिसा-फ्रि टिकटको व्यवस्था खारेज गर्नुपर्ने बताएका छन्। मन्त्रालयमा आज आयोजित कार्यक्रममा उनले यस्तो बताएका हुन्।

यस्ता पपुलिष्ट मुद्दालाई लिएर कहिलेसम्म गुपचुपमा रहने भन्दै यसलाई खारेज गर्ने मन्त्री भण्डारीको भनाइ थियो। फ्रि भिसा-फ्रि टिकटको व्यवस्थालाई बाहिरबाट हेर्दा जति राम्रो भए पनि यसले अन्यत्र समस्या निम्ताएको बताएका छन्।

सुन्दा राम्रो भए पनि यसले समग्र देशमा राजस्व चुहावट करछली र संगठित अपराधलाई बढाउन सघाउ पुर्याएको दाबी गर्दै खारेज गर्नुपर्ने बताएका हुन्। यस्तै, फरक प्रशंगमा मन्त्री भण्डारीले श्रमिकलाई ट्र्र्यापमा पार्ने खालका सबै प्रकारका कार्यविधि खारेज गर्दै आवश्यक नीतिगत सुधार गरिने बताएका छन्।

अन्तिरम सरकारको कार्यकालमा वैदेशिक रोजगारसँग सम्बन्धी कार्यविधि संशोधन गर्नका लागि सहसचिवको अध्यक्षतामा समिति बनेको भण्डारीको भनाइ थियो। समितिले स्टेकहोल्डरसँग आवश्यक सुझाव लिएर काम गरिरहेको बताएका छन्।

प्रकाशित मिति: मंगलबार, माघ २०, २०८२ १८:५७