राजनीतिक दललाई आयोगको निर्देशनः फागुन ३ भित्रै घोषणापत्र सार्वजनिक गर्नू

राजनीति

गृहपृष्ठ
राजनीति

राजनीतिक दललाई आयोगको निर्देशनः फागुन ३ भित्रै घोषणापत्र सार्वजनिक गर्नू

क्यापिटल नेपाल बुधबार, माघ २८, २०८२

काठमाडौं। निर्वाचन आयोगले राजनीतिक दलहरूलाई आउँदो फागुन ३ भित्र निर्वाचन घोषणापत्र सार्वजनिक गरी बुझाउन निर्देशन दिएको छ। आयोगले मंगलबार आचारसंहिताको दफा ३७ बमोजिम दलले आयोगमा र उमेदवारलाई निर्वाचन कार्यालयमा घोषणापत्र पेस गर्न निर्देशन दिएको हो।

निर्वाचन आचारसंहिताको दफा ३७ मा दल वा उमेदवारले घोषणापत्र सार्वजनिक गरी त्यसको आधारमा चुनाव प्रचार गर्नुपर्ने उल्लेख छ। ३७ को २(१) अनुसार घोषणापत्र दलले आयोग र उमेदवारले निर्वाचन कार्यालयमा पेस गर्नुपर्नेछ। आचारसंहितामा प्रगतिको कार्य प्रतिवेदन प्रत्येक वर्ष सर्वसाधारणको जानकारीका लागि सार्वजनिक गर्नुपर्ने उल्लेख छ।

प्रतिनिधिसभा निर्वाचन आउँदो फागुन २१ मा हुँदै छ। हालसम्म अधिकांश दलले घोषणापत्र सार्वजनिक गरेका छैनन्। फागुन ४ देखि १८ सम्म चुनाव प्रचार–प्रसार अवधि तोकिएको छ।

प्रकाशित मिति: बुधबार, माघ २८, २०८२ ०६:४५