एनसेल फाउन्डेसनको ‘सेफर इन्टरनेट टुगेदर’ अभियान सुरु, ५० हजार विद्यार्थी लाभान्वित हुने

कर्पोरेट बजार

गृहपृष्ठ
कर्पोरेट बजार

एनसेल फाउन्डेसनको ‘सेफर इन्टरनेट टुगेदर’ अभियान सुरु, ५० हजार विद्यार्थी लाभान्वित हुने

क्यापिटल नेपाल बुधबार, माघ २८, २०८२

काठमाडाैं। सुरक्षित इन्टरनेट दिवस २०८२ को अवसरमा एनसेल फाउन्डेसन र नासा सेक्युरिटीजले संयुक्त रुपमा देशभर ‘सेफर इन्टरनेट टुगेदर’ कार्यक्रम सुरु गरेका छन्।

पोखराको श्री राष्ट्रिय माध्यमिक विद्यालयबाट औपचारिक रूपमा सुरु गरिएको सो अभियानले विद्यार्थी ५० हजारभन्दा बढीलाई साइबर सुरक्षा, डेटा गोपनीयता र डिजिटल सुरक्षाका विषयमा सचेत गराउने लक्ष्य राखेको छ।

हाल बागमती, गण्डकी र मधेस प्रदेशका विद्यालयमा कक्षा ३ देखि १२ सम्मका विद्यार्थीहरूलाई लक्षित गरी सञ्चालन भइरहेको सो कार्यक्रम आगामी आर्थिक वर्षमा देशभर विस्तार गरिने योजना कम्पनीले जनाएको छ।

यस वर्षको ‘स्मार्ट टेक, सेफ चोइसेस्’ भन्ने नारालाई आत्मसाथ गर्दै एनसेलका प्रमुख कार्यकारी अधिकृत माइकल फोलेले डिजिटल युगमा एआईको जिम्मेवार प्रयोग र व्यक्तिगत डेटा सुरक्षाको महत्त्वमा जोड दिए। नासा सेक्युरिटीजका प्रबन्ध निर्देशक मदन पौड्यालले डिजिटल साक्षरतालाई वित्तीय साक्षरता जत्तिकै महत्त्वपूर्ण मान्दै युवाहरूलाई अनलाइन जोखिमबाट जोगाउनु साझा जिम्मेवारी भएको बताए।

हालसम्म कास्की, ललितपुर र भक्तपुरका ९ वटा विद्यालयका ७ हजारभन्दा बढी विद्यार्थीहरू सो अभियानबाट लाभान्वित भइसकेका छन् भने कार्यक्रमअन्तर्गत सहभागीहरूलाई इन्टरनेट सुरक्षा सम्बन्धी हाते पुस्तक समेत वितरण गरिँदै छ।

प्रकाशित मिति: बुधबार, माघ २८, २०८२ १४:१०