काठमाडौं उपत्यकाको फोहोर विसर्जन रोकियो, कांग्रेस/एमाले नेताको अगुवाइमा बञ्चरेडाँडामा फेरि अवरोध

समाज

गृहपृष्ठ
समाज

काठमाडौं उपत्यकाको फोहोर विसर्जन रोकियो, कांग्रेस/एमाले नेताको अगुवाइमा बञ्चरेडाँडामा फेरि अवरोध

क्यापिटल नेपाल शुक्रबार, फागुन २९, २०८२

नुवाकोट। स्थानीयको अवरोधका कारण बञ्चरेडाँडामा काठमाडौं उपत्यकाको फोहोर विसर्जन रोकिएको छ। बञ्चरेडाँडा क्षेत्रका बासिन्दाले काठमाडौं महानगर र सहरी विकास मन्त्रालयसँग विगतमा भएका सहमति कार्यान्वयन नभएको भन्दै फोहोर फाल्न नदिएका हुन्।

विगतका सहमति कार्यान्वयन नभएसम्म फोहोर फाल्न नदिने अडानका साथ काठमाडौँबाट फोहोर बोकेर आएका गाडीलाई फिर्ता पठाइएको स्थानीय निरञ्जन सञ्जेलले जानकारी दिए। उनले भने, ‘पटक–पटक भएका उधारो सहमतिले हामी पीडित भएका छौँ। हाम्रा माग पूरा नहुञ्जेल अवरोध जारी रहन्छ।’

यसअघि गत कात्तिक १६ मा सहरी विकासमन्त्री कुलमान घिसिङले विगतका सहमति कार्यान्वयन गर्ने प्रतिबद्धता जनाएसँगै फोहोर विसर्जन अवरोध हटेको थियो।

नुवाकोटको ककनी गाउँपालिका–१, २ र ३ तथा धादिङको धुनबेँसी नगरपालिका–१, ३ र ४ वडाका प्रभावित स्थानीयले दुई जिल्लाको सीमा ढाँडेस्थित सडकमा बसेर फोहोर बोकेका गाडीलाई गन्तव्यमा जान दिएका छैनन्।