नेपाल पर्यटन बोर्डद्वारा आयोजित विन्डो फोटो प्रतियोगिता अन्तिम हप्तामा

मुख्य समाचार

गृहपृष्ठ
मुख्य समाचार

नेपाल पर्यटन बोर्डद्वारा आयोजित विन्डो फोटो प्रतियोगिता अन्तिम हप्तामा

क्यापिटल नेपालआइतबार, जेठ ११, २०७७

काठमाडौं लकडाउनको समयमा घरमै बसेर आफ्नो घर वरपर रहेका स्थानहरुको प्रचार प्रसार गराउँने उद्देश्यले घोषणा गरिएको वीन्डो फोटो प्रतियोगिता अन्तिम सातामा प्रवेश गरेको छ । नेपाल पर्यटन बोर्डले लकडाउनमा घर बसाइको समयलाई सिर्जनात्मक बनाउँदै आफ्नो ठाउँलाई प्रचार गर्ने उद्देश्यका साथ झयालबाट देखिने सुन्दर दृश्यको फोटोको प्रतियोगितामा आयोजना गरेको हो । एक हप्ताको समय बाँकि रहेको उक्त प्रतियोगितामा सहभागी हुन हालसम्म ५ सय भन्दा बढी फोटो प्राप्त भइसकेको छ ।

प्रतियोगितामा नेपालको कुनै ठाउँको प्राकृतिक सौन्दर्य, संस्कृति, पर्यटन गतिविधि वा केही पनि सान्दर्भिक तस्बिरहरु अनलाइनबाट पठाउन सकिने बोर्डले जानकारी दिएको छ । सहभागीहरुले आगामी जेष्ठ १८ सम्म फोटोहरु पठाइसक्नुपर्नेछ । नेपाल पर्यटन बोर्डको फोटो अभियानको साइट https://photonepal.travel मार्फत प्रतियोगितामा सहभागी हुन सकिनेछ । उत्कृष्ट पाँच सहभागीहरुले जनही दश हजार नगद पुरस्कार प्राप्त गर्नेछन् ।

बोर्डका कार्यकारी प्रमुख डा.धनञ्जय रेग्मीले भने ‘उत्साहजनक सहभागिताले नेपालका विविधता सशक्त रुपमा प्रस्तुत गरिरहेको र अब बाँकि एक हप्तामा सहभागिताको संख्याले अर्को चरण पार गर्नेछ ।’ सहभागीता सम्बन्धमा जानकारी https://photonepal.travel/blog/nepal-from-your-window लिङ्क मा रहेको छ । जेष्ठ १९ देखि असार १ सम्म मन परेको भोट गर्न सकिनेछ ।

यसका लागिhttps://photonepal.travel मा गएर मन परेको फोटो लाइक गर्न सकिन्छ । भोटिङ्ग पश्चात विज्ञ सम्मिलित टोलीको निर्णायक समितिले विजेताहरुको घोषणा गर्नेछ ।