भोटेबहालमा बसको ठक्करबाट दुई भारतीय नागरिकको मृत्यु, बसचालक पक्राउ

समाज

गृहपृष्ठ
समाज

भोटेबहालमा बसको ठक्करबाट दुई भारतीय नागरिकको मृत्यु, बसचालक पक्राउ

क्यापिटल नेपाल शनिबार, चैत ७, २०८२

काठमाडौं। काठमाडौंको भोटेबहालमा बसको ठक्करबाट दुई भारतीय नागरिकको मृत्यु भएको छ।

काठमाडौं महानगरपालिका–१२ भोटेबहालमा कालीमाटीबाट त्रिपुरेश्वरतर्फ आउँदै गरेको ओमजनता यातायातको ठक्करबाट भारतीय नागरिक ४५ वर्षीय पदम उपाध्याय र ३७ वर्षीय सतिशकुमार कुशवाहको मृत्यु भएको उपत्यका ट्राफिक प्रहरी कार्यालयका प्रवक्ता एवं प्रहरी उपरीक्षक नरेशराज सुवेदीले जानकारी दिए।

बागमती प्रदेश–३–०१–००५ ख ९२९८ नम्बरको बसको ठक्करबाट गम्भीर घाइते भएका उनीहरूको उपचारका क्रममा गएराति राष्ट्रिय ट्रमा सेन्टरमा मृत्यु भएको प्रहरी उपरीक्षक सुवेदीले बताए।

बसचालक दोलखा घर भई कपन बस्ने ३५ वर्षीय मानबहादुर बस्नेतलाई प्रहरीले पक्राउ गरेको छ। घटनाबारे प्रहरी वृत्त कालिमाटीले अनुसन्धान गरिरहेको प्रवक्ता सुवेदीले बताए।

प्रकाशित मिति: शनिबार, चैत ७, २०८२ १३:४१

प्रतिक्रिया दिनुहोस्