एमाले अध्यक्ष पक्राउविरुद्ध प्रतिवादमा उत्रने, नेताहरूलाई जिम्मेवारी

राजनीति

गृहपृष्ठ
राजनीति

एमाले अध्यक्ष पक्राउविरुद्ध प्रतिवादमा उत्रने, नेताहरूलाई जिम्मेवारी

क्यापिटल नेपाल शनिबार, चैत १४, २०८२

काठमाडौं। नेकपा एमालेले पार्टी अध्यक्ष केपी शर्मा ओली पक्राउविरुद्ध आइतबारदेखि प्रतिवादस्वरुप विरोध प्रदर्शन गर्ने भएको छ।
आजर अध्यक्ष ओली र पूर्वगृहमन्त्री रमेश लेखकलाई प्रहरीले पक्राउ गरेपछि एमालेको आकस्मिक सचिवालय बैठकले प्रतिवादमा उत्रिने निर्णय गरेको हो।

बैठकपछि महासचिव शंकर पोखरेलले अध्यक्ष तथा पूर्वप्रधानमन्त्री ओली र पूर्वगृहमन्त्री कांग्रेस नेता रमेश लेखक पक्राउको निन्दा र भत्र्सना गर्दै उक्त घटना लोकतान्त्रिक मूल्य र कानुनी शासन विपरीत रहेको बताए। उनले गैरकानुनी हर्कतविरुद्ध सबै पार्टी एकजुट हुनुपर्ने बताए।

एमालेले सरकारलाई आइतबार विरोधपत्र बुझाएर विरोध गर्ने भनिए पनि जनसंगठनले शनिबारबाटै प्रतिरोध सुरु गरिसकेको एमालेले जनाएको छ।

नेकपा एमालेले भदौ २३ र २४ को घटना छानबिन गर्न गठित गौरीबहादुर कार्की आयोगप्रति एमालेको असहमति र विरोध रहेकाले उसले सार्वजनिक गरेको प्रतिवेदन न्यायिक सिद्धान्त विपरीत रहेको पनि बताएको छ।

‘घटनाले संविधान र लोकतन्त्र मान्ने सबैलाई चिन्तित तुल्याएको छ। यसविरुद्ध कानुनी र राजनीतिक प्रतिवाद गर्ने निर्णय गरेको छ’, महासचिव पोखरेलले भने, ‘चैत १५ गते आइतबारबाट जिल्ला कमिटीको आयोजनामा जिल्ला प्रशासनमार्फत विरोधपत्र बुझाइनेछ। साथै अन्य दलसँगको समन्वयमा विरोधका अन्य कार्यक्रम तय गरिनेछ।’

प्रकाशित मिति: शनिबार, चैत १४, २०८२ १३:००

प्रतिक्रिया दिनुहोस्