आजदेखि आवेदन दिएलगत्तै श्रम स्वीकृति पाइने, टोकन प्रणाली खारेज

राजनीति

गृहपृष्ठ
राजनीति

आजदेखि आवेदन दिएलगत्तै श्रम स्वीकृति पाइने, टोकन प्रणाली खारेज

क्यापिटल नेपाल सोमबार, चैत १६, २०८२

काठमाडौं। आजदेखि आवेदन दिएकै दिन श्रम स्वीकृति हुने भएको छ। यसअघि टोकन प्रणालीमार्फत दैनिक निश्चित संख्यामा मात्रै आवेदन दिँदै आएको श्रम स्वीकृतिमा आजदेखि टोकन प्रणाली बन्द गरेको हो।

श्रम, रोजगार तथा सामाजिक सुरक्षा मन्त्रालयले श्रम स्वीकृतिमा रहेको टोकन प्रणालीको अन्त्य गरी आवेदन दिएको दिन नै श्रम स्वीकृति प्रदान हुने व्यवस्था गर्न वैदेशिक रोजगार विभागलाई निर्देशन दिएको थियो।

तोकिएको कागजात पेश भएको अवस्थामा सोही दिन श्रम स्वीकृति तथा पुनः श्रम स्वीकृति हुने व्यवस्था गरिएको विभागले जनाएको छ। श्रम, रोजगार तथा सामाजिक सुरक्षामन्त्री दिपक कुमार साहको उपस्थितिमा आइतबार बसेको बैठकले सुधारका काम अघि बढाउने निर्णय गरी निर्देशन दिएको थियो।

प्रकाशित मिति: सोमबार, चैत १६, २०८२ १२:५८

प्रतिक्रिया दिनुहोस्