प्रहरीमा दर्ता भएका उजुरीको प्रगति अब फोन र एसएमएसबाटै जानकारी दिइने

समाज

गृहपृष्ठ
समाज

प्रहरीमा दर्ता भएका उजुरीको प्रगति अब फोन र एसएमएसबाटै जानकारी दिइने

क्यापिटल नेपाल बुधबार, चैत २५, २०८२

काठमाडौं। नेपाल प्रहरीले सेवाग्राहीको उजुरी र निवेदनमाथि भइरहेको कारबाहीको अवस्थाबारे मोबाइलमै जानकारी दिने नयाँ व्यवस्था सुरु गरेको छ। प्रहरीका मुद्दा दर्ता हुने इकाइहरूमा प्राप्त भएका जाहेरी, निवेदन वा गुनासो दर्ता भइसकेपछि त्यसको प्रगति के भयो भन्नेबारे सम्बन्धित व्यक्तिलाई फोन वा एसएमएस मार्फत सूचना दिने व्यवस्था लागू गरिएको हो।

यो व्यवस्था लागू भएसँगै अब सेवाग्राहीले आफ्नो उजुरीको अवस्था बुझ्न पटक–पटक प्रहरी कार्यालय धाइरहनुपर्ने झन्झट हटेको छ। उजुरी दर्ता गर्दा उपलब्ध गराइएको सम्पर्क नम्बरका आधारमा प्रहरीले अनुसन्धान र कार्यान्वयनको पछिल्लो अवस्थाबारे नियमित जानकारी गराउनेछ।

प्रहरीले नागरिक केन्द्रित सेवालाई थप पारदर्शी र उत्तरदायी बनाउन यो प्रविधिको प्रयोग सुरु गरेको बताएको छ। ुसर्फ एन्ड प्रोटेक्टु को मूल नारालाई सार्थक तुल्याउन र आम नागरिकको प्रहरीप्रतिको विश्वास बढाउन यो कदम प्रभावकारी हुने अपेक्षा गरिएको छ। यो सेवाले प्रहरी सेवालाई थप सुलभ र नागरिकमैत्री बनाउने विश्वास लिइएको छ।

प्रकाशित मिति: बुधबार, चैत २५, २०८२ २०:०२

प्रतिक्रिया दिनुहोस्