कांग्रेस सांसदको बैठक बस्दै, को बन्ला संसदीय दलको नेता?

राजनीति

गृहपृष्ठ
राजनीति

कांग्रेस सांसदको बैठक बस्दै, को बन्ला संसदीय दलको नेता?

क्यापिटल नेपाल शुक्रबार, वैशाख ४, २०८३

काठमाडौं। प्रतिनिधिसभामा मुख्य प्रतिपक्ष नेपाली कांग्रेसको संसदीय दलको नेता चयन गर्न गठित निर्वाचन समितिले सांसदलाई छलफलका लागि बोलाएको छ।

निर्वाचन समिति संयोजक तथा सहमहामन्त्री प्रकाश रसाइलीले प्रतिनिधिसभामा प्रत्यक्ष र समानुपातिकतर्फ निर्वाचित सांसदहरूलाई छलफलका लागि बोलाएका हुन्। दिउँसो ३ बजे सिंहदरबारस्थित संसदीय दलको कार्यालयमा संसदीय दलको नेता छान्नेबारे छलफल हुने बताइएको छ।

यद्यपि कांग्रेसले यसअघि चैत २ मा निर्वाचन कार्यतालिका प्रकाशित हुने भने पनि अहिलेसम्म सार्वजनिक गरेको छैन।

प्रतिनिधिसभामा प्रतिनिधित्व गर्ने ६ दलमध्ये सत्तारुढसहित एमाले, नेपाली कम्युनिस्ट पार्टी, राष्ट्रिय प्रजातन्त्र पार्टी र श्रम संस्कृति पार्टीले संसदीय दलको नेता चुनिसकेका छन्। कांग्रेसभित्र आन्तरिक कलहका कारण हालसम्म पार्टी गतिविधि सुस्त हुँदै आएको छ।

प्रकाशित मिति: शुक्रबार, वैशाख ४, २०८३ १३:३८

प्रतिक्रिया दिनुहोस्