लेखा समिति सभापतिमा खड्का निर्वाचित, आर्थिक सुशासन र वित्तीय अनुशासनलाई प्राथमिकता दिने प्रतिबद्धता

राजनीति

गृहपृष्ठ
राजनीति

लेखा समिति सभापतिमा खड्का निर्वाचित, आर्थिक सुशासन र वित्तीय अनुशासनलाई प्राथमिकता दिने प्रतिबद्धता

क्यापिटल नेपाल शुक्रबार, वैशाख ४, २०८३

काठमाडौं। प्रतिनिधिसभाअन्तर्गतको सार्वजनिक लेखासमिति सभापतिमा भरत खड्का सर्वसम्मत निर्वाचित भएका छन्।

आज बसेको समिति बैठकले नेपाली कांग्रेसका सांसद खड्कालाई सभापतिमा सर्वसम्मत चयन गरेको हो। २०७४ को निर्वाचनमा डोटी–१ ‘क’ बाट प्रत्यक्षतर्फ प्रदेशसभा सदस्य निर्वाचित उनी विशेष महाधिवेशनबाट कांग्रेसको केन्द्रीय सदस्य बनेका हुन्।

खड्का गत फागुन २१ मा सम्पन्न निर्वाचनमा प्रतिनिधिसभा सदस्यमा निर्वाचित भएका थिए।

सत्तारूढ रास्वपाकाे समर्थनपछि लेखासमिति सभापति चुनिएका खड्काले विगत अनुभव र योग्यताले भ्याएसम्म आर्थिक सुशासन र वित्तीय अनुशासन कायम राख्ने गरी समितिलाई अगाडि बढाउने प्रतिबद्धता जनाएका छन्।

विगतमा भएका विसंगति दोहोरिन नदिइने उनको भनाइ छ। ‘जुन जिम्मेवारी मैले प्राप्त गरेको छु, त्यसलाई मेरो विगतको अनुभव र योग्यताले भ्याएसम्म आर्थिक सुशासन र वित्तीय अनुशासन कायम राख्ने गरी यो समितिलाई अगाडि बढाउनेछु। विगतका केही विसंगति पनि छन्,तर ती दोहोरिनेवाला छैनन्।’

आर्थिक सुशासन र वित्तीय अनुशासनलाई प्रमुख एजेन्डाको रुपमा लिएको उनको धारणा छ।

प्रकाशित मिति: शुक्रबार, वैशाख ४, २०८३ १४:५६

प्रतिक्रिया दिनुहोस्