विश्व सम्पदा दिवस मनाइँदै, गहनापोखरीबाट पदयात्रा निकालिने

समाज

गृहपृष्ठ
समाज

विश्व सम्पदा दिवस मनाइँदै, गहनापोखरीबाट पदयात्रा निकालिने

क्यापिटल नेपाल शनिबार, वैशाख ५, २०८३

काठमाडौं। सम्पदा संरक्षणका लागि जनचेतना फैलाउने उद्देश्यले आज विश्व सम्पदा दिवस मनाइँदै छ।

संयुक्त राष्ट्रसंघीय शैक्षिक, वैज्ञानिक तथा सांस्कृतिक संस्था (युनेस्को)अन्तर्गत रहेका विश्व सम्पदा क्षेत्रको संरक्षण गर्ने उद्देश्यले सन् १९८३ देखि अप्रिल १८ तारिखका दिन यो दिवस मनाउन थालिएको हो।

क्षेत्रमा हाल नेपालका काठमाडौं (वसन्तपुर, पाटन र भक्तपुर दरबार क्षेत्र, चाँगुनारायण, पशुपतिनाथ, बौद्ध, स्वयम्भू), लुम्बिनी तथा चितवन र सगरमाथा राष्ट्रिय निकुञ्ज सूचीकृत रहेका छन्।

आज बिहान राजधानीमा सम्पदा पदयात्रा गर्न लागिएको बागमती प्रदेश सरकारअन्तर्गत संस्कृति र पर्यटन मन्त्रालय मातहतको पर्यटन कार्यालयले गहना पोखरीबाट भाटभटेनी मन्दिरसम्म पदयात्रा गर्ने कार्यालय प्रमुख पवनकुमार पोखरेलले जानकारी दिए।

पदयात्रापछि हाँडीगाउँ क्षेत्रको सांस्कृतिक महत्त्वबारे अन्तरक्रिया कार्यक्रम पनि गरिने उनले बताए।कार्यक्रममा बागमती प्रदेशका संस्कृति तथा पर्यटन मन्त्री सुरेश श्रेष्ठको सहभागिता रहनेछ।

प्रकाशित मिति: शनिबार, वैशाख ५, २०८३ ०७:१९

प्रतिक्रिया दिनुहोस्