उद्योगी शेखर गोल्छालाई सोमबारसम्म हिरासतमा राख्न अदालतको अनुमति

उद्योग

गृहपृष्ठ
उद्योग

उद्योगी शेखर गोल्छालाई सोमबारसम्म हिरासतमा राख्न अदालतको अनुमति

क्यापिटल नेपाल शुक्रबार, वैशाख ११, २०८३

काठमाडौं। उद्योगी शेखर गोल्छालाई काठमाडौं जिल्ला अदालतले आगामी सोमबारसम्म हिरासतमा राख्न अनुमति दिएको छ। उनलाई प्रहरीले बिहीबार काठमाडौंको नक्सालबाट पक्राउ परेको हो।

धितोपत्रसम्बन्धी ऐनविपरीतको कसुरमा पक्राउ परेका नेपाल उद्योग वाणिज्य महासंघका पूर्वअध्यक्ष तथा उद्योगी गोल्छालाई आगामी सोमबारसम्म हिरासतमा राखेर अनुसन्धान गर्न अदालतले अनुमति दिएको हो।

नेपाल धितोपत्र बोर्डको प्रारम्भिक जाँचबुझ प्रतिवेदनका आधारमा प्रहरीको केन्द्रीय अनुसन्धान ब्युरोले गोल्छालाई नियन्त्रणमा लिएको हो। अदालतले सुरुमा चार दिनको म्याद दिएकोमा आजसम्म दुई दिन व्यतित भइसकेको छ।

भोलि शनिबार र पर्सी आइतबार सार्वजनिक बिदा परेका कारण उनलाई अब सोमबार मात्रै पुनः अदालत उपस्थित गराइने छ। गोल्छामाथि धितोपत्र सम्बन्धी ऐन २०६३ को दफा ९४, ९५, ९६ र ९८ बमोजिम सेयर बजारमा मिलेमतो गरी भित्री कारोबार र बजार प्रभावित पारेको गम्भीर आरोप छ।

प्रकाशित मिति: शुक्रबार, वैशाख ११, २०८३ १८:०२

प्रतिक्रिया दिनुहोस्