संयोजक थापाले बुझाए ‘इपिजी प्रतिवेदन’ राखिएको दराजको साँचो

राजनीति

गृहपृष्ठ
राजनीति

संयोजक थापाले बुझाए ‘इपिजी प्रतिवेदन’ राखिएको दराजको साँचो

क्यापिटल नेपाल शुक्रबार, जेठ २२, २०८३

काठमाडाौं। नेपाल–भारत प्रबुद्ध व्यक्ति समूह (इपिजी) को नेपालतर्फका संयोजक डा भेषबहादुर थापाले इपिजी प्रतिवेदन राखिएको दराजको साँचो परराष्ट्र मन्त्रालयलाई बुझाएका छन्।

संयोजक थापाले आफ्नो स्वास्थ्य र उमेरका कारण देखाउँदै परराष्ट्रमन्त्री शिशिर खनालको उपस्थितिमा परराष्ट्रसचिव अमृतबहादुर राईलाई बिहीबार दराजको साँचो हस्तान्तरण गरेको मन्त्रालयले जनाएको छ।

केही सञ्चार माध्यममा इपिजी प्रतिवेदन नै मन्त्रालयले बुझेजस्तो सन्देश जाने गरी सार्वजनिक विषयप्रति मन्त्रालयले चासो व्यक्त गर्दै उक्त प्रतिवेदन राखेको दराजको साँचो मात्रै बुझेको स्पष्ट पारेको छ।

नेपाल र भारतबीचका समस्याका बारेमा अध्ययन गरी समाधानका उपाय खोज्न संयुक्त रूपमा प्रबुद्ध व्यक्तिहरूको समूह गठन गरिएको थियो।

सन् २०१६ मा नेपाल र भारतले उक्त समूह गठन गरी दुई वर्षसम्म अध्ययन गरी समूहले प्रतिवेदन तयार गरेको थियो। उक्त प्रतिवेदन दुवै देशका प्रधानमन्त्रीले बुझ्नुपर्ने प्रावधान भए पनि हालसम्म दुवै देशका प्रधानमन्त्रीले बुझेका छैनन्।

प्रकाशित मिति: शुक्रबार, जेठ २२, २०८३ ०६:२१

प्रतिक्रिया दिनुहोस्