लगातारको गिरावटपछि स्थिर रह्यो नेप्से, घट्यो कारोबार रकम

सेयर

गृहपृष्ठ
सेयर

लगातारको गिरावटपछि स्थिर रह्यो नेप्से, घट्यो कारोबार रकम

क्यापिटल नेपाल बुधबार, असार ३, २०८३

काठमाडौं। लगातार गिरावट भएको सेयर बजार परिसूचक नेपाल स्टक एक्सचेञ्ज (नेप्से) स्थिर बसेको छ। आज नेप्से परिसूचक जम्मा ०.०८ अंकले बढ्दै स्थिर बसेको हो।

यसअघि अघिल्ला चार दिन लगातार नेप्से घटेको थियो। आज बजारको उतारचढाव न्यून रह्यो। तर, कारोबार रकम घटेको छ।

अघिल्लो दिन ४ अर्ब ४ करोडको कारोबार भएकोमा आज ३ अर्ब ६१ करोडको सेयर किनबेच भएको हो। आज १२० कम्पनीको मूल्य बढ्दा १३५ को घट्यो। १६ कम्पनीको मूल्य स्थिर रह्यो।

आज दुई नयाँ कम्पनीको मूल्य १५ प्रतिशत बढेको छ। जसमा सोपान फर्मास्युटिकल्स र एपोलो हाइड्रोपावरको मूल्य १५ प्रतिशत बढेको हो। यो वृद्धिपछि सोपानको मूल्य प्रतिकित्ता ८०८.५० रुपैयाँ तथा एपोलोको ६९२.७० रुपैयाँ पुगेको छ।

त्यस्तै, दोल्ती पावरको ३.३५, कालिन्चोक हाइड्रोपावरको २.६१ प्रतिशत मूल्य घट्यो। आज धेरै कारोबार भएकामा कम्पनीमा एनआरएन इन्फ्रास्ट्रक्चर, रिलायन्स स्पिनिङ मिल्स र सेन्ट्रल फाइनान्स रहेका छन्।

प्रकाशित मिति: बुधबार, असार ३, २०८३ १५:२८

प्रतिक्रिया दिनुहोस्