कोसी प्रदेशका कानुनमन्त्रीको निवासमा मध्यरातमा प्रहरी खानतलासी, संसद् बैठकमा चर्चा

राजनीति

गृहपृष्ठ
राजनीति

कोसी प्रदेशका कानुनमन्त्रीको निवासमा मध्यरातमा प्रहरी खानतलासी, संसद् बैठकमा चर्चा

क्यापिटल नेपाल शुक्रबार, असार ५, २०८३

काठमाडौं। कोसी प्रदेशका आन्तरिक मामिला तथा कानुनमन्त्री इन्द्रमणि पराजुलीको विराटनगरस्थित निवासमा बिहीबार मध्यरातमा प्रहरीले छापा हानेर घरको खानतलासी लिएको विषय सिंहदरबारस्थित संसद् बैठकमा उठेको छ।

जिल्ला प्रहरी कार्यालय मोरङबाट खटिएको प्रहरी टोलीले मन्त्री पराजुलीको निवासमा राती ११ बजे पर्खाल नाघेर पुगेको तिर पुगेको थियो।

आजको प्रतिनिधिसभा बैठकमा सांसद राजेन्द्रकुमार राईले कोसीका कानुनमन्त्री पराजुलीको निवासमा प्रहरी खानतलासीप्रति संघीय सरकारको सरकारको ध्यानाकर्षण गराएका हुन्।

घटनालाई लिएर मन्त्रीको सचिवालयले छापा मारिएको भन्दै आपत्ति जनाएको छ भने अर्कोतर्फ प्रहरी र स्थानीय प्रशासनले फरार अभियुक्तको खोजीका क्रममा प्रहरी त्यहाँ पुगेको बताएका छन्।

प्रमुख जिल्ला अधिकारी युवराज कट्टेलले मन्त्रीको आवासमै लक्षित गरेर छापा मारिएको नभई फरार अभियुक्त सो क्षेत्रमा लुकेको सूचनाका आधारमा प्रहरी परिचालन भएको दाबी गरे। मन्त्रीका प्रमुख स्वकीय सचिव केदार दाहालका अनुसार घटना हुँदा मन्त्री पराजुली विपद्सम्बन्धी कार्यक्रमका लागि धनकुटामा थिए।

जिल्ला प्रहरी कार्यालय मोरङका प्रमुख एसपी कवित कटुवालले मन्त्री निवासमा छापा मारिएको भन्ने कुरा सत्य नभएको दाबी गरे।

प्रकाशित मिति: शुक्रबार, असार ५, २०८३ १३:३७

प्रतिक्रिया दिनुहोस्