रवि लामिछानेविरुद्धको संगठित अपराध मुद्दा फिर्ता लिन अदालतको अनुमति

राजनीति

गृहपृष्ठ
राजनीति

रवि लामिछानेविरुद्धको संगठित अपराध मुद्दा फिर्ता लिन अदालतको अनुमति

क्यापिटल नेपाल शुक्रबार, असार ५, २०८३

काठमाडौँ। काठमाडौँ जिल्ला अदालतले राष्ट्रिय स्वतन्त्र पार्टी (रास्वपा)का सभापति रवि लामिछानेविरुद्ध लगाइएको संगठित अपराधसम्बन्धी अभियोग फिर्ता लिन अनुमति दिएको छ।

जिल्ला अदालतका न्यायाधीश आत्मदेव जोशीको इजलासले मुलुकी फौजदारी कार्यविधि संहिता, २०७४ को दफा ३६ बमोजिम लामिछानेसहितका प्रतिवादीहरूमाथि लगाइएको संगठित अपराधको अभियोग हटाउन आदेश दिएको हो। यद्यपि, सहकारी ठगीसम्बन्धी अभियोग भने यथावत् कायम रहने अदालतले जनाएको छ।

सुमन खनाललगायतको जाहेरीका आधारमा नेपाल सरकार वादी रहेको तथा रवि लामिछानेसहितका प्रतिवादीहरू संलग्न रहेको सहकारी ठगी तथा संगठित अपराधसम्बन्धी मुद्दामा जिल्ला सरकारी वकिल कार्यालय, काठमाडौँले अभियोगपत्र संशोधनको निवेदन दायर गरेको थियो। सोही निवेदनमाथि सुनुवाइ गर्दै अदालतले सङ्गठित अपराधसम्बन्धी कसुर फिर्ता लिन अनुमति दिएको हो।

अदालतको आदेशसँगै अब उक्त मुद्दामा रवि लामिछानेविरुद्ध सहकारी ठगीसम्बन्धी अभियोगमा मात्र कानुनी प्रक्रिया अघि बढ्ने भएको छ।

प्रकाशित मिति: शुक्रबार, असार ५, २०८३ १८:०१

प्रतिक्रिया दिनुहोस्