झापामा विषालु सर्पले डस्दा वृद्धाको मृत्यु

समाज

गृहपृष्ठ
समाज

झापामा विषालु सर्पले डस्दा वृद्धाको मृत्यु

क्यापिटल नेपाल सोमबार, असार ८, २०८३

बनियानी। झापाको गौरीगञ्ज गाउँपालिका–४ बाइसेटोलमा विषालु सर्पले डस्दा वृद्धाको मृत्यु भएको छ। गौरीगञ्ज–४ बाइसेटोलकी ८८ वर्षीया पञ्चमाया शेर्माको आइतबार साँझ विषालु सर्पले डस्दा निधन भएको जिल्ला प्रहरी कार्यालयका सूचना अधिकारी प्रहरी नायब उपरीक्षक रञ्जन अवाले जानकारी दिए।

कुखुराको खोरको ढोका लगाउने क्रममा खोर नजिकै रहेको इँटाको थुप्रोबाट निस्किएको सर्पले पञ्चमायाको दाहिने हातको माझी औँलामा डसेको थियो। सर्पदंशबाट गम्भीर घाइते भएकी शेर्मालाई तत्काल उपचारका लागि बिर्तामोडस्थित बिएण्डसी अस्पताल लगिएको थियो।

उपचारका क्रममा गएराती उहाँको मृत्यु भएको प्रहरीले जनाएको छ। शव हाल बिएण्डसी अस्पतालमा राखिएको छ भने घटनाका सम्बन्धमा थप अनुसन्धान भइरहेको जनाइएको छ।

प्रकाशित मिति: सोमबार, असार ८, २०८३ १०:११

प्रतिक्रिया दिनुहोस्