नेतृत्व अब नयाँ पुस्ताको हातमा आउँछ : प्रचण्ड

राजनीति

गृहपृष्ठ
राजनीति

नेतृत्व अब नयाँ पुस्ताको हातमा आउँछ : प्रचण्ड

क्यापिटल नेपाल शुक्रबार, असार १२, २०८३

काठमाडौं। नेकपा संयोजक पुष्पकमल दाहाल ‘प्रचण्ड’ले पार्टीलाई नयाँ विचार, राजनीति, सङ्गठन र कार्यशैलीसहित पुनर्गठन गर्ने बताएका छन्। विराटनगरमा आयोजित कोशी प्रदेश कमिटीको एकता बैठकलाई सम्बोधन गर्दै उनले यस्तो बताएका हुन्।

उनले भने,‘अहिले विचार, राजनीति, सङ्गठन र कार्यशैलीमा नयाँ रणनीति पार्टी बनाउने हो। नेतृत्वले छोड्दैन भन्ने टेन्सन छोड्दिनुस् तपाईंहरूको हातमा आयो अब नेतृत्व। म हामी भन्दा अर्को पुस्ताका योग्य साथीहरूलाई अपिल गर्न चाहन्छु तपाईंहरू आउनुस् अगाडि।’

प्रचण्डले देश, पार्टी र राष्ट्रिय स्वाधीनताका लागि लड्न चाहने इमानदार कार्यकर्ताको ठूलो पङ्क्ति अझै रहेको उल्लेख गर्दै नयाँ रणनीतिसहित पार्टीलाई अघि बढाइने बताए।

प्रकाशित मिति: शुक्रबार, असार १२, २०८३ १६:११

प्रतिक्रिया दिनुहोस्